मुनीर यांची भारताला अणुयुद्धाची धमकी
पाकिस्तानचे लष्करप्रमुख फील्ड मार्शल असीम मुनीर अमेरिकेच्या दौऱ्यावर गेले आहेत. येथे मुनीर यांनी एका कार्यक्रमात भारतावर जोरदार टीका केली आणि अणुयुद्धाची धमकीही दिली. ते म्हणाले की, जर भारताशी युद्ध झाल्यास पाकिस्तानला आपले अस्तित्व धोक्यात आल्याचे वाटत असेल तर ते संपूर्ण प्रदेश अणुयुद्धात ढकलण्यास मागेपुढे पाहणार नाही.
मुनीर म्हणाले, "आपण एक अणुशक्ती आहोत. जर आपल्याला असे वाटत असेल की आपण हरत आहोत, तर आपण अर्धे जग आपल्यासोबत घेऊन खाली जाऊ." अमेरिकेच्या भूमीवरून पाकिस्तानी लष्करी अधिकाऱ्याने अशी अणुयुद्धाची धमकी देण्याची ही पहिलीच वेळ आहे.
भारताला क्षेपणास्त्र हल्ल्याची धमकी दिली
यासोबतच मुनीर यांनी भारतावर सिंधू पाणी कराराचे उल्लंघन केल्याचा आरोप केला आणि म्हटले की जर भारताने पाण्याचा प्रवाह रोखला तर पाकिस्तानमधील कोट्यवधी लोक उपासमारीचे बळी ठरू शकतात. त्यांनी इशारा दिला, "जर भारताने नवीन धरण बांधले तर आम्ही त्यावर दहा क्षेपणास्त्रे डागून ते उद्ध्वस्त करू. सिंधू नदी ही कोणत्याही एका देशाची मालमत्ता नाही. आमच्याकडे क्षेपणास्त्रांची कमतरता नाही, अल-हमदुलिल्लाह." मुनीर यांच्या विधानामुळे दोन्ही देशांमधील संबंधांमध्ये तणाव वाढण्याची शक्यता आहे.
