शिवलिंगासमोर अश्लिल कृत्य करणाऱ्याला तुरुंगात टाकले
Indore इंदूर (मध्य प्रदेश)- इंदूरमधील एका मंदिरातील शिवलिंगासमोर असभ्य कृत्य केल्याच्या आरोपावरून एका 30 वर्षीय व्यक्तीला राष्ट्रीय सुरक्षा कायद्यानुसार (रासुका) अटक करून तुरुंगात पाठवण्यात आले आहे. एका पोलीस अधिकाऱ्याने सोमवारी ही माहिती दिली. दरम्यान राज्याचे गृहराज्यमंत्री नरोत्तम मिश्रा यांनी एका निवेदनात म्हटले आहे की, आरोपीच्या या घृणास्पद कृत्याचा जितका निषेध करावा तितका कमी आहे.
संयोगितागंज पोलिस स्टेशनचे प्रभारी तहजीब काझी यांनी सांगितले की, वसीम उर्फ घंटी (30) याने शुक्रवारी प्रकाश नगर येथील विश्वेश्वर महादेव मंदिराच्या गर्भगृहात शिवलिंगासमोर अश्लील कृत्य केले आणि त्याचे हे कृत्य सीसीटीव्हीमध्ये कैद झाले.
त्यांनी सांगितले की टायर पंक्चरचे दुकान चालवणाऱ्या वसीमला रासुका अंतर्गत अटक केल्यानंतर तुरुंगात पाठवण्यात आले आहे. स्टेशन प्रभारी म्हणाले की आरोपींविरुद्ध भारतीय दंड संहिता कलम 295-ए (कोणत्याही वर्गातील धार्मिक भावना दुखावण्याच्या हेतूने मुद्दाम केले गेले विद्वेषपूर्ण कृत्य) आणि इतर संबंधित तरतुदींनुसार एफआयआर नोंदवण्यात आला आहे आणि तपशीलवार तपास सुरू आहे.
आझाद नगर भागातील वसीमच्या घराच्या बांधकामाची चौकशी करण्यात येत असून त्यात अनियमितता आढळल्यास त्याचा अवैध भाग पाडण्यात येईल, अशी माहितीही काझी यांनी दिली. दरम्यान राज्याचे गृहराज्यमंत्री नरोत्तम मिश्रा यांनी एका निवेदनात म्हटले आहे की, आरोपीच्या या घृणास्पद कृत्याचा जितका निषेध करावा तितका कमी आहे.(भाषा)
