High Alert: स्वातंत्र्यदिनापूर्वी ड्रोनच्या सहाय्यानं दहशतवादी हल्ल्याची शक्यता
स्वातंत्र्य दिनाच्या अगोदर भारतीय सुरक्षा यंत्रणांनी दिल्ली पोलिसांना मोठा इशारा दिला आहे. एजन्सींना मिळालेल्या माहितीनुसार दहशतवादी ड्रोनच्या माध्यमातून दिल्लीत मोठा दहशतवादी कट रचण्याचा विचार करीत आहेत. आता एजन्सींनी याबाबत दिल्ली पोलिसांना सतर्क केले आहे.
सुरक्षा एजन्सीने इशारा दिला आहे की 15 ऑगस्टपूर्वी दहशतवादी ड्रोनच्या माध्यमातून दिल्लीवर हल्ला करण्याचा प्रयत्न करू शकतात, विशेषत: 5 ऑगस्ट रोजी जम्मू-काश्मीरमधून अनुच्छेद 370 हटवण्यात आला होता. त्यामुळे यंदा याच तारखेला हल्ल्याची दाट शक्यता सुरक्षा यंत्रणांकडून वर्तवण्यात आलीय.
एजन्सींकडून इशारा देण्यात आला असताना दुसरीकडे दिल्ली पोलिसांनीही ड्रोन हल्ल्याचा सामना करण्यासाठी तयारी सुरू केली आहे. दिल्ली पोलिस आणि इतर राज्यांतील पोलिसांना ड्रोन हल्ल्यांचा सामना करण्यासाठी प्रशिक्षण देण्यात आले आहे. यात दोन स्तरांचे प्रशिक्षण आहे.
पहिले प्रशिक्षण म्हणजे पहिला सॉफ्ट किल, ज्या अंतर्गत सामान्य ड्रोन पाहिल्यास कारवाई कशी करावी हे शिकवले गेले आहे. हार्ड किल असे दुसर्‍या प्रशिक्षणाचे नाव आहे, म्हणजे जर एखादे संशयास्पद ड्रोन किंवा उड्डाण करणारे उपकरण दिसले तर त्यावर कारवाई कशी करावी.
नुकतेच दिल्लीचे पोलिस आयुक्त बालाजी श्रीवास्तव यांनीही उड्डाण करणारे हवाई परिवहन आणि ड्रोनसारख्या गोष्टींबद्दल अत्यंत सतर्क राहण्याचे आदेश दिले होते. जम्मू एअरबेसवर झालेल्या दहशतवादी हल्ल्यानंतर सुरक्षा संस्था सतर्क झाली आहेत.
स्वातंत्र्यदिन सोहळ्याची तयारी करत दिल्ली पोलिसांनी नुकत्याच फ्लाइंग ऑब्जेक्ट्सवर बंदी घातली आहे. असामाजिक घटक आणि दहशतवादी धमकी लक्षात घेता दिल्ली पोलिसांनी हे पाऊल उचलले आहे. पोलिसांच्या माहितीनुसार अशी माहिती आहे की दहशतवादी फ्लाइंग ऑब्जेक्टच्या माध्यमातून सामान्य जनता, व्हीआयपी आणि मोठ्या महत्वाच्या इमारतींना लक्ष्य करू शकतात.
