गुरूवार, 6 ऑक्टोबर 2022
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified बुधवार, 1 सप्टेंबर 2021 (17:58 IST)

स्विगीच्या डिलीव्हरी बॉयने रेस्टॉरंट मालकाला गोळ्या झाडल्या

स्विगीच्या डिलिव्हरी बॉयने ग्रेटर नोएडामधील रेस्टॉरंट मालकाची गोळ्या घालून हत्या केली. हत्येनंतर आरोपी डिलीव्हरी बॉयही फरार झाला. असे सांगितले जात आहे की डिलिव्हरी बॉय रेस्टॉरंटच्या बाहेर ऑर्डरची वाट पाहत होता, पण जेव्हा ऑर्डरला उशीर झाला तेव्हा त्याने संतापून रेस्टॉरंट मालकाला गोळ्या घातल्या. ही घटना ग्रेटर नोएडाच्या बीटा -2 पोलीस स्टेशन परिसरातील मित्र सोसायटीची आहे, जिथे 45 वर्षीय सुनील 'झमझम' नावाचे रेस्टॉरंट चालवत होता. हे रेस्टॉरंट ऑनलाईन फूड डिलीव्हरीसाठी काम करत असे. मंगळवारी रात्री 12:15 वाजता या रेस्टॉरंटमध्ये काम करणारा नारायण आणि स्विगीचा डिलीव्हरी बॉय यांच्यात वाद झाला.
 
घटनास्थळी उपस्थित लोकांनी सांगितले की मंगळवारी रात्री स्विगीचा डिलीव्हरी बॉय चिकन बिर्याणी आणि पूरी भाजीचे आर्डर घेण्यासाठी आला होता. यामध्ये त्याला चिकन बिर्याणीची ऑर्डर देण्यात आली होती, तर पूरी भाजीच्या ऑर्डरला आणखी काही वेळ लागेल असे सांगण्यात आले. एका ऑर्डरमध्ये विलंब झाल्यामुळे एका मद्यधुंद डिलिव्हरी बॉयने नारायणला शिवीगाळ करण्यास सुरुवात केल्याचा आरोप आहे. यावर रेस्टॉरंट ऑपरेटर सुनील घटनास्थळी आला आणि वाद संपवण्याचा प्रयत्न सुरू केला.
 
असा आरोप आहे की त्याच्या एका साथीदाराच्या मदतीने डिलिव्हरी बॉयने सुनीलच्या डोक्यात गोळी मारली ज्यामुळे तो जागीच पडला. नारायणने त्याच्या इतर साथीदारांच्या मदतीने सुनीलला जखमी अवस्थेत रिअॅलिटी हॉस्पिटलमध्ये नेले जेथे डॉक्टरांनी त्याला मृत घोषित केले. त्याचबरोबर आरोपी डिलिव्हरी बॉय घटनेनंतर फरार आहे. पोलिस जवळील सीसीटीव्ही फुटेजच्या मदतीने आरोपीचा शोध घेत आहेत. लवकरच आरोपीला अटक केली जाईल, असा पोलिसांचा दावा आहे.