संबंधित माहिती
- जिल्हा दंडाधिकारी घरात मृतावस्थेत आढळले
- कारमध्ये एअरबॅग उघडल्यामुळे दोन वर्षांच्या मुलीचा गुदमरून मृत्यू
- चोरांनी तीन एटीएममधून 70 लाख रुपये लुटले, 6 जणांना अटक
- वायनाडमध्ये दरड कोसळली, मृतांचा आकडा 123 वर, अद्याप 90 लोकांचा शोध सुरू
- वायनाड भूस्खलनात आतापर्यंत 84 ठार, 116 जखमी, लष्कर-एनडीआरएफ बचावकार्यात गुंतले; राज्यात दोन दिवसांचा दुखवटा जाहीर
केरळच्या पद्मनाभ स्वामी मंदिरात चोरी, डॉक्टरसह चार आरोपींना अटक
केरळमधील प्रसिद्ध श्री पद्मनाभ स्वामी मंदिरात चोरीची घटना समोर आली आहे. येथून पितळेचे भांडे चोरल्याप्रकरणी पोलिसांनी चौघांना अटक केली आहे. तसेच आरोपीला पोलिसांनी हरियाणा राज्यातून ताब्यात घेतले आहे. आरोपींना तिरुअनंतपुरम येथे आणण्यात येणार असून त्यानंतर पुढील कारवाई करण्यात येणार आहे.
मिळालेल्या माहितीनुसार, पद्मनाभ स्वामी मंदिरातून चोरीला गेलेल्या पात्राला स्थानिक भाषेत ‘उरुळी’ म्हणतात. उरुळी हे कांस्यपासून बनवलेले पारंपारिक पात्र आहे. या प्राचीन मंदिरातील पूजा आणि विधींसाठी याचा वापर केला गेला आहे.
याप्रकरणी केलेल्या कारवाई बाबत पोलिसांनी रविवारी सांगितले की, आरोपींची ओळख पटली आहे. हरियाणा पोलिसांच्या मदतीने त्यांना ताब्यात घेण्यात आले आहे. या प्रकरणातील अटक करण्यात आलेल्या आरोपींपैकी एक आरोपी हा व्यवसायाने डॉक्टर आहे. एवढेच नाही तर त्याच्याकडे ऑस्ट्रेलियन नागरिकत्वही आहे.
पोलीस अधिकारींनी दिलेल्या माहितीनुसार, मंदिरात चोरीची ही घटना गेल्या गुरुवारी घडली असून मंदिरातून भांडी गायब झाल्याचे मंदिर अधिकाऱ्यांच्या लक्षात येताच त्यांनी तत्काळ पोलिसांना माहिती दिली. यानंतर पोलिसांनी मंदिरात लावलेल्या सीसीटीव्ही कॅमेऱ्यांचे फुटेज अनेक तास स्कॅन केल्यानंतर आरोपींची ओळख पटली. तसेच केरळ पोलिसांनी हरियाणात जाऊन तेथील स्थानिक पोलिसांच्या मदतीने आरोपींना ताब्यात घेतले असून आज आरोपींना केरळमध्ये आणल्यानंतर पोलीस याप्रकरणी पुढील कारवाई करणार आहे.
पुढील लेख
