शुक्रवार, 29 मार्च 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified: बुधवार, 31 जानेवारी 2018 (15:54 IST)

ट्रेनसमोरचा 'तो' सेल्फी फेक

वेगाने धडधडत येणाऱ्या ट्रेनसमोर सेल्फी घेण्याचा प्रयत्न करताना इंजिनच्या धडकेत गंभीर जखमी झालेल्या तरुणाचा व्हिडिओ फेक असल्याचे आता म्हटले जात आहे.  तेलंगणामध्ये राहणारा जिम इन्स्ट्रक्टर शिवा आणि त्याच्या मित्रांनी अख्ख्या जगाला मूर्खात काढलं आहे. तो संपूर्ण व्हिडिओ बनावट असून शिवाला कधी ट्रेनने उडवलंच नाही, इतकंच काय, तो साधा रेल्वे ट्रॅकजवळही उभा राहिला नाही, असं समजतं. एबीएन तेलुगू नावाच्या स्थानिक वृत्तवाहिनीने शिवा आणि त्याचे मित्र हा व्हिडिओ व्हायरल झाल्याचं पाहून हसत-खिदळत असल्याचं दाखवलं आहे.

याआधी ट्रेनच्या धडकेत शिवाच्या डोक्याला गंभीर दुखापत झाली असून त्याच्यावर रुग्णालयात उपचार सुरु आहेत असं म्हटलं जात होतं. मात्र हा निव्वळ बनाव असल्याचं आता समोर आलं आहे.