संबंधित माहिती
- बाप्परे, अल्पवयीन आरोपीने क्राईम पेट्रोल मालिका पाहून अतिशय थंड डोक्याने केला खून
- 11 वर्षाच्या विश्वजितचा डोक्यात मारहाण करून खून
- रेखा जरे यांच्या हत्येप्रकरण: फरार संशयीत आरोपी पत्रकार बाळ बोठे याच्या अटकपूर्व जामीन
- ऑफिसमधून तरुणीचे केले अपहरण, अवघ्या सहा तासात पोलिसांनी आरोपी प्रियकराला पकडले
- बाप्परे, नवीन वर्षाच्या पार्टीला गेलेल्या तरुणीची हत्या
चिटफंड व्यावसायिकांचे अपहरण करून खून
पिंपरी येथील एका चिटफंड व्यावसायिकांचे अपहरण करून खून केला आहे. व्यवसायिकाचा महाडमध्ये मृतदेह आढळून आला आहे. आनंद साहेबराव उनावणे (वय- 45 रा. मोरवाडी, पिंपरी) असे खून झालेल्याचे नाव आहे. आनंद यांचे गुरुवारी (दि.4) राहत्या घरातून अपहरण करण्यात आले होते.
याप्रकरणी आनंद यांचे भाऊ विष्णू उनावणे यांनी पिंपरी पोलीस ठाण्यात बेपत्ता झाल्याची तक्रार दिली होती. पोलिसांनी दिलेल्या माहितीनुसार, आनंद उनावणे हे बेपत्ता झाल्याची तक्रार दाखल झाल्यानंतर त्यांचा शोध सुरू केला. त्यांचे मोबाईल टॉवर लोकेशन आणि कॉल डिटेल्स तपासत असताना नातेवाईकांकडून माहिती मिळाली, की एक अनोळखी मृतदेह महाड तेथे आढळून आला आहे.
महाड पोलिसांकडून मिळालेले फोटो आणि आनंद यांचे वर्णन मिळते जुळते होते. नातेवाईकांना घेऊन पोलीस मृतदेहाची ओळख पटवण्यासाठी गेले. त्यावेळी नातेवाईकांनी मृतदेह आनंद उनावणे यांचा असल्याचे सांगितले. अद्याप आनंद यांच्या फोनचे लोकेशन दुसरीकडे दाखवत असल्याचे पोलिसांनी सांगितले.
