पुण्यात पीएचडी विद्यार्थिनीची मानसिक छळाला कंटाळून आत्महत्या

पुण्यात पीएचडी करणाऱ्या एका 30 वर्षीय विद्यार्थिनीने मानसिक छळाला कंटाळून आत्महत्या केल्याची धक्कादायक घटना घडली आहे. या घटनेमुळे परिसरात खळबळ उडाली आहे. सदर घटना चिंचवड परिसरात घडली आहे. मानसिक छळाला कंटाळून तिने हे टोकाचे पाऊल घेतल्याचे म्हटले आहे. 

अटक केलेला आरोपी विद्यार्थिनीचे संशोधन मार्गदर्शक होते आणि ती गेल्या दोन वर्षांपासून त्यांच्या मार्गदर्शनाखाली पीएचडी करत होती. विद्यार्थिनीच्या वडिलांच्या तक्रारीच्या आधारे पोलिसांनी गुन्हा दाखल करून आरोपीला ताब्यात घेतले.  

तपासादरम्यान, विद्यार्थिनीची एक आत्महत्या चिठ्ठी सापडली असून, ती एक महत्त्वपूर्ण पुरावा मानली जात आहे. 

या चिठ्ठीत तिने तिच्या मृत्यूसाठी तिच्या संशोधन मार्गदर्शकाला जबाबदार धरले आहे. कुटुंबीयांचा आरोप आहे की, ऑगस्ट २०२५ पासून विद्यार्थिनीचा सतत छळ होत होता, ज्यामध्ये अयोग्य वर्तन, विनयभंग आणि मानसिक दबाव यांसारख्या गंभीर आरोपांचा समावेश असून ही सोसाइड नोट तपासाचा आधार बनली आहे. 

पोलिसांनी भारतीय दंड संहितेच्या (IPC) विविध कलमांखाली गुन्हा दाखल केला आहे, ज्यामध्ये आत्महत्येसाठी प्रवृत्त करणे आणि महिलेवरील हल्ला व विनयभंगाशी संबंधित तरतुदींचा समावेश आहे. सर्व आरोपांची गांभीर्याने चौकशी केली जात असून पुराव्यांच्या आधारे पुढील कारवाई केली जाईल. प्रकरणाचे गांभीर्य लक्षात घेता, पोलीस प्रत्येक पैलूची बारकाईने तपासणी करत आहे. 

या प्रकरणातील आरोपीला न्यायालयात हजर करण्यात आले असून त्याला 15 एप्रिल पर्यंत पोलीस कोठडी सुनावली आहे. 

Edited By - Priya Dixit