संबंधित माहिती
- पुण्यात असे कोणतेही नवे निर्बंध लागू केले नाहीत, पुणे शहर पोलीस सहआयुक्तांची माहिती
- लोकलमधून प्रवास मुलभूत अधिकार असेल, पण काही निर्बंध हे परिस्थितीनुसारच- मुंबई हायकोर्ट
- कोरोना निर्बंधांचे पालन करून गणेशोत्सव व्हावा साजरा, तिसऱ्या लाटेचे भान ठेवा
- गणेशोत्सव साधेपणाने साजरा करणार असल्याने नवीन निर्बंध नाहीत, मात्र गर्दी केल्यास कठोर निर्णय
- पुण्यात नव्याने निर्बंध लावण्याची वेळ येऊ देऊ नका-अजित पवार
पुण्यात निर्बंध अजून शिथिल होण्याची शक्यता
गेल्या काही दिवसांच्या राज्यातल्या कोरोना आकडेवारी प्रादुर्भाव कमी होताना दिसत आहे. वाढतं लसीकरण आणि आटोक्यात असलेली रुग्णसंख्या या पार्श्वभूमीवर आता पुण्यात निर्बंध अजून शिथिल होण्याची शक्यता निर्माण झाली आहे. खुद्द पुण्याचे पालकमंत्री आणि राज्याचे उपमुख्यमंत्री अजित पवार यांनी यासंदर्भात संकेत दिले आहेत. पुणे शहर, ग्रामीण आणि पिंपरी-चिंचवडमधील करोनाच्या परिस्थितीचा आढावा घेतल्यानंतर पत्रकारांशी बोलताना त्यांनी याबाबत माहिती दिली.
“पुणे जिल्हा, शहर आणि पिंपरी चिंचवडची परिस्थिती बरी आहे. काही महत्त्वाच्या निर्णयांबाबत येत्या १ तारखेला (१ ऑक्टोबर) बैठक होईल. करोनाच्या कोणत्या नियमांमध्ये शिथिलता देता येईल याबाबत सगळे आमदार, खासदार, अधिकारी मिळून घेणार आहोत”, अशी माहिती यावेळी बोलताना अजित पवार यांनी दिली.
दरम्यान, स्विमिंग पूलबाबतच्या नियमांमध्ये काही प्रमाणात शिथिलता दिल्याचं अजित पवार यांनी यावेळी सांगितलं. “स्विमिंग पूलबाबत आपण खेळाडूंना परवानगी दिली होती. आता दोन्ही डोस झालेल्या सामान्य नागरिकांनाही परवानगी देण्यात आली आहे. पण हे सगळं होत असताना ग्रामीण असो वा शहरी भाग असो, मास्क सगळ्यांनी वापरलंच पाहिजे. त्यात तडजोड केली जाणार नाही. हे संकट नियंत्रणात यावं आणि संपून जावं, त्यासाठी मास्क वापरणं गरजेचं आहे. तशा सूचना पोलीस आणि वरीष्ठांना दिल्या आहेत”, असं ते म्हणाले.
