25 लाख हेक्टर नैसर्गिक शेती: शेतकऱ्यांसाठी फडणवीस सरकारचा मास्टरप्लॅन!

महाराष्ट्र सरकार राज्यपाल आचार्य देवव्रत यांच्या अध्यक्षतेखाली नैसर्गिक शेतीवरील एक अभियान सुरू करणार आहे, ज्यामुळे शेतकऱ्यांना फायदा होईल, असे मुख्यमंत्री देवेंद्र फडणवीस यांनी राजभवन येथे आयोजित नैसर्गिक शेतीवरील परिषदेत सांगितले.

ते म्हणाले की, राज्यपाल स्वतः नैसर्गिक शेतीमध्ये तज्ज्ञ आहेत. तत्पूर्वी, राज्यपालांनी महाराष्ट्र सरकारच्या मंत्र्यांना आणि राज्य विधिमंडळाच्या सदस्यांना नैसर्गिक शेती आणि सेंद्रिय शेतीमधील फरकाची माहिती दिली.

त्यांनी मंत्री आणि आमदारांना राज्यभरात नैसर्गिक शेतीला मिशन मोडमध्ये सक्रियपणे प्रोत्साहन देण्याचे आवाहन केले. मुख्यमंत्री फडणवीस, उपमुख्यमंत्री एकनाथ शिंदे, विधान परिषदेचे अध्यक्ष राम शिंदे, उपसभापती डॉ. नीलम गोऱ्हे, मंत्री, आमदार आणि मुख्य सचिव राजेश कुमार यांच्यासह इतर उपस्थित होते.

फडणवीस यांनी पत्रकारांना सांगितले की,राज्यात यंदा कापूस आणि सोयाबीनचे उत्पादन मोठ्या प्रमाणात झाले आहे.  कापूस आणि सोयाबीन खरेदी केंद्रे 30 ऑक्टोबरपासून सुरू होतील. ते म्हणाले, “मी शेतकऱ्यांना आवाहन करतो की त्यांनी किमान आधारभूत किमतीपेक्षा (एमएसपी) कमी किमतीत व्यापाऱ्यांना त्यांचे उत्पादन विकू नये.शेतकऱ्यांनी या खरेदी केंद्रावरच आपला माल विकावा असे ते म्हणाले. 

Edited By - Priya Dixit