नागपुरातील मिनी कोव्हिड हॉस्पिटलमध्ये आग, चौघांचा होरपळून मृत्यू

nagpur hospital fire
Last Modified शनिवार, 10 एप्रिल 2021 (19:02 IST)
नागपूरच्या अमरावती रोडवरील वाडी येथील 'वेल-ट्रीट' या हॉस्पिटलला लागलेल्या आगीत चार जणांचा होरपळून मृत्यू झाला आहे.
मिनी कोव्हिड हॉस्पिटल असणाऱ्या 'वेल ट्रीट' हॉस्पिटलच्या ICU ला आग लागली. त्यात तीन पुरुष आणि एका महिला रुग्णाचा मृत्यू झाल्याची माहिती नागपूरचे पोलीस आयुक्त अमितेश कुमार यांनी दिली.

नागपूर-अमरावती महामार्गावर असलेल्या खासगी वेल ट्रीट हॉस्पिटलमध्ये 35 बेड्स होते. या हॉस्पिटलला खासगी मिनी कोव्हिड हॉस्पिटलचा दर्जा देण्यात आला होता.

9 एप्रिलला रात्री आठ वाजून 10 मिनिटांनी ही आग लागल्याची माहिती नागपूर महानगर पालिकेच्या अग्निनशमन विभागाला देण्यात आली, अशी माहिती नागपूरचे चीफ फायर ऑफिसर राजेंद्र उचके यांनी दिली.
आगीच्या घटनेदरम्यान वेल ट्रीट हॉस्पिटलमध्ये 32 कोरोनाबाधित रुग्ण उपचार घेत होते. आधी ICU ला आग लागली, नंतर इतरत्र पसरली, असं अग्निशमन विभागाने सांगितलं.

अग्निशमन विभागाने तिसऱ्या मजल्यावरील 21 रुग्णांना सुरक्षित आगीतून बाहेर काढले. वेल ट्रीट हॉस्पिटलमधील आगीतून सुरक्षित बाहेर पडलेल्या रुग्णांना नागपूरच्या शासकीय वैद्यकीय महाविद्यालय रुग्णालय आणि इंदिरा गांधी वैद्यकीय महाविद्यालय या रुग्णालयांमध्ये हलवलं आहे.
"नागपूरच्या शासकीय वैद्यकीय महाविद्यालय आणि रुग्णालयात चार मृतदेह आणण्यात आणण्यात आले आहेत. 'वेल ट्रीट हॉस्पिटलमधील इतर कोरोनाबाधित रुग्णांना शहरातील इतर कोव्हिड हॉस्पिटलमध्ये हलवण्यात आले आहे," अशी माहिती नागपूरचे पालकमंत्री नितीन राऊत यांनी दिली.

'वेल-ट्रीट' हॉस्पिटलच्या आयसीयूमध्ये एअर कंडिशनरचा अचानक शॉर्ट सर्किटमुळे भडका उडाला. यावेळी आयसीयूमध्ये 5 रुग्ण उपचार घेत होते. आगीची माहिती कर्मचाऱ्यांनी कामावर असणाऱ्या परिचारिका आणि हॉस्पिटलचे प्रमुख संचालक डॉ. राहुल ठवरे यांना दिली.
या घटनेबद्दल वेल ट्रीट हॉस्पिटलचे संचालक डॉ. राहुल ठवरे सांगतात, "आगीची माहिती मिळताच मी धावत आयसीयूकडे पोहोचलो. यावेळी हॉस्पिटलमध्ये परिसरातील सामाजिक कार्यकर्ते सुरज वानखेडे उपस्थित होते. त्यांनी अग्नीशमन यंत्राने आग विझवण्याचा प्रयत्न केला. मात्र यात काही भागातीलच आग विझली.

याच दरम्यान हॉस्पिटलच्या आयसीयूमध्ये मोठ्या प्रमाणात धूर पसरल्याने मी आणि कर्मचाऱ्यांनी आयसीयू कक्षातील रुग्णांना एका पाठोपाठ बाहेर हलवण्यास सुरुवात केली. पूर्ण आयसीयू कक्षात धूर पसरल्याने यातील 3 गंभीर रुग्णांना बाहेर काढले.
दरम्यान स्थितीचे गांभीर्य पाहता कर्मचार्‍यांनी इतर माळ्यावर उपचारासाठी दाखल असलेल्या रुग्णांना बाहेर काढण्यास सुरुवात केली."

नागपूरचे खासदार आणि केंद्रीय मंत्री नितीन गडकरी यांनी या घटनेत जखमी झालेल्यांना योग्य उपचार देण्याच्या सूचना केल्या आहेत. तर रुग्ण आणि जखमींना सर्वतोपरी मदत करण्याचे विरोधी पक्षनेते देवेंद्र फडणवीस यांनी जिल्हाधिकाऱ्यांना सूचना केली आहे.
दरम्यान, या प्रकरणाची चौकशी करण्याची मागणी रुग्णांच्या नातेवाईकांनी केली आहे.


यावर अधिक वाचा :

राजस्थान सरकारने मेजर ध्यानचंद खेलरत्न पुरस्कारासाठी अवनी ...

राजस्थान सरकारने मेजर ध्यानचंद खेलरत्न पुरस्कारासाठी अवनी लेखरा आणि कृष्णा नगर यांच्या नावाची शिफारस केली
टोकियो पॅरालिम्पिकमध्ये सुवर्णपदक जिंकून देशाचा मान उंचावणाऱ्या अवनी लेखरा आणि कृष्णा ...

New Income Tax Portal: आयटी पोर्टलमध्ये होत आहे सुधार, ...

New Income Tax Portal: आयटी पोर्टलमध्ये होत आहे सुधार, Infosysने 90% त्रुटी दूर केल्या आहेत
देशातील आघाडीची सॉफ्टवेअर सेवा कंपनी इन्फोसिसने आयकर ई-फायलिंग पोर्टलमधील बहुतांश त्रुटी ...

खाजगी शाळांना 2021-22 च्या सत्रात गरीब मुलांना प्रवेश ...

खाजगी शाळांना 2021-22 च्या सत्रात गरीब मुलांना प्रवेश द्यावा लागेल, उच्च न्यायालयाचे आदेश
2021-22 या शैक्षणिक सत्रासाठी खाजगी शाळा चालकांना नियम 134A अंतर्गत गरीब मुलांना ...

धक्कादायक ! डोंबिवलीत आठ महिन्याच्या मुलीला वडिलांनी दारू ...

धक्कादायक ! डोंबिवलीत आठ महिन्याच्या मुलीला वडिलांनी दारू पाजली ,आणि 9 वर्षाच्या मुलीवर बलात्कार केला
दारू चे व्यसन खूपच वाईट असते. दारुच्या नशेत माणूस हैवान बनतो, तो काय करत आहे त्याला ...

वृद्ध महिलेची मुख्यमंत्र्यांकडे आत्महत्या करण्यासाठी ...

वृद्ध महिलेची मुख्यमंत्र्यांकडे आत्महत्या करण्यासाठी परवानगी देण्याची मागणी
पालघर जिल्ह्यातील विक्रमगड तालुक्यात इंदगावच्या 65 वर्षीय अजनी चाबके या वृद्ध महिले ने ...

या जिल्ह्यांना पावसाचा अलर्ट

या जिल्ह्यांना पावसाचा अलर्ट
अरबी समुद्र आणि तामिळनाडू किनारपट्टी परिसरात पुन्हा एकदा हवेच्या कमी दाबाचं क्षेत्र ...

New Covid-19 Guidelines : राज्य सरकारची नवी नियमावली

New Covid-19 Guidelines : राज्य सरकारची नवी नियमावली
महाराष्ट्र सरकारने आज नव्याने निर्बंधांची नियमावली जाहीर केली आहे

गुजरात भीषण अपघात: कच्छच्या आखातात दोन मोठी जहाजे आदळली,..

गुजरात भीषण अपघात: कच्छच्या आखातात दोन मोठी जहाजे आदळली,..
कच्छच्या खाडीत शुक्रवारी रात्री दोन जहाजांची टक्कर झाली. संरक्षण मंत्रालयाच्या ...

ओमीक्रॉन वेरिएंट विचारमंथन: PM मोदी यांनी आंतरराष्ट्रीय ...

ओमीक्रॉन वेरिएंट विचारमंथन: PM मोदी यांनी आंतरराष्ट्रीय प्रवासाचे पुनरावलोकन करण्याचे निर्देश दिले
कोरोनाच्या नवीन ओमिक्रॉन वेरिएंटच्या धोक्याच्या पार्श्वभूमीवर पंतप्रधान नरेंद्र मोदी ...

सोयाबीनचे भाव वाढूनही शेतकरी खूश नाहीत, जाणून घ्या संपूर्ण ...

सोयाबीनचे भाव वाढूनही शेतकरी खूश नाहीत, जाणून घ्या संपूर्ण प्रकरण
सोयाबीनची आवक कमी होत असल्याने मागणी वाढत आहे. शनिवारी लातूर कृषी उत्पन्न बाजार ...