संबंधित माहिती
- कोल्हापूर पोटनिवडणूक निकाल: काँग्रेसच्या जयश्री जाधव यांची विजयी घौडदोड
- हुंडा घेऊन लग्नापूर्वीच नवरा पळाला
- राज्यात पर्यावरणीय आरोग्य कक्ष स्थापन, श्वसनाशी संबंधित विकारांचे होणार सर्वेक्षण
- मशिदींवरील भोंगे उतरवण्यासाठी नाशिक मनसेकडून अमित शाहा यांना पत्र
- विद्यार्थ्यांना थेट पहिलीमध्ये प्रवेश, ‘शाळापूर्व तयारी अभियान’ उपक्रम सुरु
कोल्हापूर पोटनिवडणूक निकाल: काँग्रेसच्या जयश्री जाधव 18901 मतांनी विजयी
कोल्हापूर उत्तर विधानसभा मतदारसघांच्या पोटनिवडणुकीत काँग्रेसच्या उमेदवार जयश्री जाधव यांनी 18901 मतांनी विजय मिळवला आहे.
आज सकाळी मतमोजणी सुरू झाली. मतमोजणीच्या एकूण 26 फेऱ्या झाल्या. सुरुवातीपासून जयश्री जाधव यांनी मतमोजणीत आघाडी घेतली होती.
गृहराज्यमंत्री सतेज पाटील यांनी जाधव यांचं अभिनंदन केलं आहे.
जाधव यांच्या कार्यकर्त्यांनी गुलाल उधळून जल्लोष करायला सुरुवात केली आहे.
तर काही ठिकाणी जाधव यांच्या विजयाचे बॅनरली लावण्यात आले आहेत.
कोल्हापूर उत्तर जागेसाठी 12 एप्रिल रोजी यासाठी मतदान झाले होते. एकूण 61.19 टक्के मतदान झाले होते. मतदानाची टक्केवारी वाढल्याने निकालाची उत्सुकता आहे. पण वाढलेल्या मतदानाचा कुणाला फायदा होणार हे दुपारपर्यंत स्पष्ट होईल.
काँग्रेसचे आमदार चंद्रकांत जाधव यांच्या निधनामुळे ही पोटनिवडणूक झाली होती. या पोटनिवडणुकीसाठी काँग्रेसने दिवंगत आमदार चंद्रकांत जाधव यांच्या पत्नी जयश्री जाधव यांना उमेदवारी दिली, तर भाजपने महानगरपालिकेच्या माध्यमातून शहराच्या राजकारणात सक्रिय असलेल्या सत्यजित उर्फ नाना कदम यांना उमेदवारी दिली होती.
कोल्हापूरात सतेज उर्फ बंटी पाटील विरुद्ध महाडिक असा पारंपरिक संघर्ष असतो.
आजवर हा सामना कोल्हापूर दक्षिणमध्ये बघायला मिळायचा. पण मागील काही निवडणुकांमध्ये संपूर्ण कोल्हापूर जिल्ह्यात हा सामना पाहायला मिळाला, मग यात गोकुळ दूध संघाची निवडणूक असेल वा आजची कोल्हापूर उत्तरची पोटनिवडणूक.
सत्यजित कदम यांचे आमदार सतेज पाटील यांच्याशी राजकीय वैर आहे. कदम हे महाडिक गटाचे कट्टर समजले जातात.
