संबंधित माहिती
- राज्यातील 12 जिल्ह्यांमध्ये वैद्यकीय महाविद्यालये स्थापन होणार
- आज मध्यरात्री पासून महावितरणचे अधिकारी आणि कर्मचारी संपावर जाणार
- पंत प्रधान नरेंद्र मोदींनी वाहिली आमदार जगताप यांना श्रद्धांजली
- धर्मस्थळाला पर्यटनस्थळ करण्यावरून जैन समाज संतप्त, काय आहे प्रकरण?
- सुप्रिया सुळे : त्यांच्या विचाराचे लोक काहीही बोलतात तेव्हा पाठराखणीचं पाप भाजप नेते करतात
मार्डच्या संपावर तोडगा काढला, डॉक्टरांनी संप घेतला मागे
मार्डच्या संपावर तोडगा काढण्यात अखेर यश आलं आहे. वैद्यकीय शिक्षणमंत्री गिरीश महाजन यांच्याबरोबर बैठक पार पडली. या बैठकीनंतर मार्डच्या डॉक्टरांनी संप मागे घेतल्याची माहिती गिरीश महाजन यांनी दिली आहे. संपावर तोडगा काढण्यासाठी गिरीश महाजन यांच्या बंगल्यावर बैठक पार पडली. या बैठकीत मार्डच्या मागण्यांवर चर्चा करण्यात आली. यापूर्वीच मार्डची वैद्यकीय शिक्षण संचालकांसोबत बैठक झाली होती. मात्र त्या बैठकीत तोडगा न निघाल्यामुळे आता मंत्र्यांसोबत चर्चा झाली.
गेल्या दोन दिवसांपासून राज्यातील जवळपास सात हजार डॉक्टर संपावर गेले होते. आपल्या मागण्यांसाठी मार्ड डॉक्टरांच्या शिष्टमंडळाने गिरीश महाजन यांची भेट घेतली. या बैठकीत सकारात्मक चर्चा झाल्याची माहिती गिरीश महाजन यांनी दिली. त्यानंतर पत्रकारांशी बोलताना डॉक्टरांनी संप मागे घेतल्याचं गिरीश महाजन यांनी सांगितलं.
Edited By- Ratnadeep Ranshoor
