दिवाळीला घरी प्रवास करणाऱ्यांसाठी आनंदाची बातमी; मुंबई ते वाराणसी-सुलतानपूर दरम्यान १६ विशेष गाड्या धावणार
सणासुदीच्या काळात होणारी प्रवाशांची गर्दी लक्षात घेऊन, रेल्वेने एलटीटी-वाराणसी आणि एलटीटी-सुलतानपूर दरम्यान १६ अतिरिक्त सेवा सुरू केल्या आहेत. शिर्डी-अजमेर गाड्यांच्या फेऱ्याही वाढवण्यात आल्या आहे.
मिळालेल्या माहितीनुसार सणासुदीच्या काळात वाढणारी प्रवाशांची गर्दी लक्षात घेऊन, रेल्वेने एक महत्त्वपूर्ण निर्णय घेतला आहे. प्रवाशांच्या सोयीसाठी, लोकमान्य टिळक टर्मिनस (एलटीटी), मुंबई आणि वाराणसी व सुलतानपूर दरम्यान १६ अतिरिक्त विशेष रेल्वे सेवा चालवण्यात येतील. याव्यतिरिक्त, साईनगर, शिर्डी-बिकानेर आणि सोलापूर-अजमेर दरम्यान चालणाऱ्या ३४ विशेष रेल्वे सेवांचा कालावधी वाढवण्यात आला आहे.
ट्रेनच्या फेऱ्यांमध्ये आता ७ ऑक्टोबर ते २५ नोव्हेंबरपर्यंत वाढ करण्यात आली आहे. या दिशेने आठ अतिरिक्त फेऱ्या असतील. वाढवलेल्या फेऱ्यांसाठी आरक्षण सर्व पीआरएस केंद्रांवर आणि आयआरसीटीसीच्या वेबसाइटवर खुले आहे.
