संबंधित माहिती
- सरकार हे विश्वासघाताने सत्तेत आलेलं सरकार : पडळकर
- भाजप किती अत्यवस्थ झालेलं आहे त्याच उत्तम उदाहरण म्हणजे पडळकर
- गोपीचंद पडळकर यांना भाजपकडून घरचा आहेर, शरद पवार यांच्यावर टीका केल्यानंतर चंद्रकांत पाटलांकडून समज
- वाचा, फडणवीस यांनी पडळकरांना का बोलावून घेतले
- भाजप आमदार गोपिचंद पडळकर यांच्यावर जेजुरी पोलिस ठाण्यात गुन्हा दाखल
पडळकरांनी शरद पवारांच्या दिल्लीच्या बैठकांची उडवली खिल्ली
भाजपचे विधानपरिषदेचे आमदार गोपीचंद पडळकर यांनी पुन्हा एकदा राष्ट्रवादी काँग्रेसचे अध्यक्ष शरद पवार यांच्यावर टीका केली आहे. पडळकरांनी शरद पवारांच्या दिल्लीच्या बैठकांची खिल्ली उडवली आहे. मला दिल्लीचं राजकारण कळत नाही, पण कोंबड्याला काय वाटतं मी आरवल्याशिवाय उजाडतच नाही. असे काही कोंबडे एकत्र आले होते, त्यांनी बैठका घेतल्या. यांची अवस्था ही रात गेली हिशोबात, पोरगं नाही नशिबात, अशी झाली आहे, अशी जहरी टीका पडळकरांनी शरद पवार यांच्यावर केली. ते सोलापूर येथील श्रमिक पत्रकार संघात बोलत होते.
मी लहान असल्यापासून शरद पवार हे भावी पंतप्रधान आहेत, त्यांना पुढील ३० वर्षांच्या भावी पंतप्रधानपदासाठी शुभेच्छा. रात गेली हिशोबात पोरगं नाही नशिबात, त्यामुळं पुढं कुठल्यातरी लवणात ससा सापडेल अशी अपेक्षा, असं म्हणत गोपीचंद पडळकरांनी शरद पवार यांच्या बैठकांची खिल्ली उडवली. तसंच, शरद पवार साडेतीन जिल्ह्याचे स्वामी आहेत. शरद पवार मोठे आहेत हे मी मानत नाही, तुम्ही कोण मानत असाल तर तो तुमचा प्रश्न आहे, असं देखील पडळकर म्हणाले.
