संबंधित माहिती
- कृष्णा नदीच्या दुषित पाण्याचा मुद्द्यावरून जयंत पाटलांनी विधानसभेत वेधले लक्ष
- विजय ताड यांच्या हत्येचा उलगडा; आरोपींना कर्नाटकातून अटक
- आरोग्य विज्ञान विद्यापीठाचे विविध प्राधिकरण निवडणूकीचा निकाल जाहिर
- नाशिकमध्ये साकारली तब्बल २५ हजार स्क्वेअर फुटांची भव्य रांगोळी
- चोरदरा घाट चढत असताना ५० फूट खाली पडून ट्रेकरचा मृत्यू
सातारा :झोका खेळताना नऊ वर्षांच्या मुलीचा दुर्दैवी मृत्यू
सातारा: लोखंडी पाइपला साडी बांधून झोका खेळत असताना त्यात मान अडकून नऊ वर्षांच्या चिमुकलीचा फास लागून दुर्दैवी मृत्यू झाला. पोर्णिमा शंकर फाळके (वय ९, रा. तडवळे, ता. खटाव) असे मृत चिमुकलीचे नाव आहे. ही घटना खटाव तालुक्यातील तडवळे येथे घडली. या घटनेने तडवळे परिसरात हळहळ व्यक्त होत आहे.
याबाबत पोलिसांनी दिलेली माहिती अशी की, पोर्णिमा ही त्यांच्या घरामध्ये झोका खेळत होती. तिने लोखंडी पाइपला साडी बांधली होती. या साडीमध्ये बसून ती झोका खेळत होती. त्याचवेळी खेळता-खेळता अचानक तिची मान साडीमध्ये अडकून तिच्या गळ्याला फास लागला. तिने आरडाओरड केल्यानंतर हा प्रकार घरातल्यांच्या निदर्शनास आला.
यानंतर घरातल्यांनी तिच्या मानेचा फास सोडवून तिला तातडीने वडूज, ता. खटाव येथील रुग्णालयात उपचारासाठी दाखल केले. मात्र, उपचारापूर्वीच तिचा मृत्यू झाल्याचे वैद्यकीय अधिकाऱ्यांनी घोषित केले. अशा प्रकारे चिमुकलीचा दुर्दैवी मृत्यू झाल्याने तडवळे परिसरात हळहळ व्यक्त होत आहे. शंकर पोपट फाळके (वय ४०, रा. तडवळे, ता. खटाव, जि. सातारा) यांनी वडूज पोलिस ठाण्यात फिर्याद दिली असून, महिला पोलिस हवालदार एस. एल. वाघमारे या अधिक तपास करीत आहेत.
Edited By - Ratnadeep ranshoor
