भंडारा येथे भरधाव वेगाने येणाऱ्या ट्रकखाली चिरडल्याने दोन जणांचा मृत्यू
भंडारा येथे राष्ट्रीय महामार्ग ५३ वर टायर बदलत असताना भरधाव वेगाने येणाऱ्या ट्रकखाली चिरडून दोन जण ठार झाले. या अपघातात दोन ट्रक चालकांचा मृत्यू झाला, तर एक तरुण गंभीर जखमी झाला.
मिळालेल्या माहितीनुसार शुक्रवारी रात्री राष्ट्रीय महामार्ग ५३ वरील थाना पेट्रोल पंपाजवळ एक भीषण रस्ता अपघात घडला. रस्त्याच्या कडेला उभ्या असलेल्या एका नादुरुस्त ट्रकचा टायर बदलत असलेल्या तीन जणांना भरधाव वेगाने येणाऱ्या ट्रकने मागून धडक दिली. दोन ट्रक चालकांचा जागीच मृत्यू झाला, तर १७ वर्षीय तरुण गंभीर जखमी झाला.
जखमीला जगद्गुरू रामानंदाचार्य नरेंद्रचार्य महाराज सेवा समितीच्या रुग्णवाहिकेतून तातडीने रुग्णालयात दाखल करण्यात आले असून, त्याच्यावर उपचार सुरू आहे. जवाहरनगर पोलिसांनी ट्रक चालक याच्या विरोधात गुन्हा दाखल केला आहे.
Edited By- Dhanashri Naik
