संबंधित माहिती
- मोठी बातमी! चिंचवडमध्ये व्हेल माशाच्या उलटीची तस्करी, सहा जण ताब्यात
- पुण्यातील व्यवसायिकांना ब्लॅकमेलिंग ! गुन्हे शाखेकडून ‘सम्यक’ पत्रकार संघाच्या अध्यक्षासह 3 रिपोर्टरला 2 लाखाची खंडणी घेताना अटक, प्रचंड खळबळ; जाणून घ्या प्रकरण
- व्याजाने पैसे देत उकळली अडीच लाखांची खंडणी; खाजगी सावकारी करणार्या ज्ञानेश्वर पवार आणि ओंकार तिवारीला अटक
- अटक केली नसून पोलिसांच्या विनंतीनुसार कोर्टात गेलो होतो : राणे
- मुन्नावर राणा यांचा मुलगा तबरेजला अटक
वन्य प्राण्यांच्या अवयवांची तस्करी, चार जणांना अटक
वाघाचे नखं,अवयव आणि इतर वन्य प्राण्यांच्या अवयवांची तस्करी प्रकरणी नागपूर वनविभागानं गेल्या दोन दिवसात चार जणांना अटक केली आहे.अगोदर नागपूर बुटीबोरी येथे कारवाई करत वनविगाच्या पथकानं दोघांना जेरबंद केले.त्यानंतर नागपूर वनविभागाने चंद्रपूर वनविभागाच्या मदतीनं पांचगाव येथून दोघांना ताब्यात घेतले. दोन दिवसांच्या या कारवाईनं नागपूर वनविभागानं या चार आरोपींकडून वाघाचे हाड, मिश्या, वाघाचे दात, कातडाचे तुकडे, मोराचे पाय व नखे, घुबडाचे पाय, मोराचे पिस, विषारी झाडांच्या बिया आणि शिकारीसाठी वापरण्यात येणार साहित्या जप्त केले आहे. वन्यजीव गुन्हे नियंत्रण शाखा, महाराष्ट्र वन विभागानं गेल्या आठ दिवसात वन्य प्राणी आणि त्यांच्या अवयवांची तस्करी प्रकरणी 18 जणांना अटक केली आहे.
बुटीबोरी वनपरिक्षेत्र कार्यलयानं 29 ताऱखेला गुप्त माहितीच्या आधारावर सापळा रचत वाघाच्या 7 नखांसह महादेव आडकु टेकाम ,गोकुळदास पवार ताब्यात घेतले होते.त्यांची चौकशी केल्यानंतर चंद्रपूर वनविभागासोबत कारवाई करत पांचगाव येथून रामचंद्र आलाम, विजय लक्ष्मण आलाम यांनाही ताब्यात घेण्यात आले. आरोपींच्या घरांची झडती घेतली असता वनविभागाच्या पथकाला त्यांच्याकडे वाघाचे हाड, मिश्या, वाघाचे दात, वाघाच्या कातडाचे तुकडे, मोराचे पाय व नखे, घुबडाचे पाय, मोराचे पिस, विषारी झाडांच्या बिया आणि शिकारीसाठी वापरण्यात येणार साहित्या आढळून आले.या आरोपींनी एका वाघाची शिकार केल्याचीही कबूली दिली आहे.
