सिंधू उपान्त्य फेरीत दाखल

पाचव्या मानांकित सिंधूने थायलंडच्या बिगरमानांकित नचाओन जिंदापोल हिच्यावर संघर्षपूर्ण मात करताना महिला एकेरीच्या उपान्त्यपूर्व फेरीत धडक मारली होती. तीच कामगिरी कायम राखताना सिंधूने आज जपानच्या मिनात्सू मितानी हिचे जबरदस्त आव्हान 21-19, 16-21, 21-10 असे मोडून काढताना उपान्त्य लढतीची निश्‍चिती केली. जागतिक स्पर्धेतील माजी कांस्यपदक विजेत्या मितानीने फ्रेंच ओपनच्या अंतिम फेरीत सायना नेहवालला हरविले होते. सिंधूने सायनाच्या त्या पराभवाची परतफेड केली.