Tennis: नोव्हाक जोकोविचची इटालियन ओपनमध्ये विजयाने सुरुवात
फ्रेंच ओपनच्या तयारीत व्यस्त असलेला सर्बियन टेनिस स्टार नोव्हाक जोकोविचने जागतिक क्रमवारीत 61व्या स्थानावर असलेल्या टॉमस मार्टिन एचेव्हरीविरुद्ध चिवट विजय नोंदवत इटालियन ओपन टेनिस स्पर्धेच्या पुढील फेरीत प्रवेश केला. या क्लेकोर्ट स्पर्धेत सातवे विजेतेपद मिळवण्याच्या प्रयत्नात असलेल्या जोकोविचने एचेव्हरीचा7-6 (5), 6-2 असा पराभव केला.
जोकोविचचा पुढील सामना ग्रिगोर दिमित्रोव्हशी होईल, ज्याने स्टॅन वॉवरिन्काचा 6-4, 7-6 (3) असा पराभव केला. पुरुषांच्या अन्य सामन्यांमध्ये स्थानिक खेळाडू यानिक सिन्नरने थानासी कोक्किनाकिसचा 6-1, 6-4 असा पराभव केला, ऑस्ट्रेलियन क्वालिफायर अ‍ॅलेक्सी पोपिरिनने फेलिक्स ऑगेर अ‍ॅलिअसीमचा 6-4, 4-6, 7-5 असा, इटलीच्या फॅबिओ फॉग्निनीने मिओमिर केकमानोविकचा6-3, 7-6 (6)आणि सातव्या मानांकित होल्गर रूनने आर्थर फिल्सचा 6-3, 6-3असा पराभव केला.
Edited by - Priya Dixit
