Grape Juice उन्हाळ्याच्या दिवसांत शरीराला थंडावा देण्यासाठी उत्तम पर्याय द्राक्षाचे ज्यूस

साहित्य-

२ वाट्या ताजी द्राक्षे (काळी किंवा हिरवी)

१ चमचा साखर किंवा मध (द्राक्षे आंबट असल्यास)

अर्धा चमचा चाट मसाला किंवा काळे मीठ (चवीनुसार)

थोडा पुदिना (ऐच्छिक)

बर्फाचे तुकडे

कृती-

सर्वात आधी द्राक्षे मिठाच्या पाण्यात १०-१५ मिनिटे भिजवून ठेवा आणि नंतर स्वच्छ पाण्याने धुवून घ्या, जेणेकरून त्यावरील औषधे किंवा कचरा निघून जाईल. मिक्सरच्या भांड्यात द्राक्षे, साखर/मध, काळे मीठ आणि पुदिना एकत्र करून बारीक वाटून घ्या. तयार झालेले मिश्रण एका गाळणीने गाळून घ्या (जर तुम्हाला फायबर हवे असेल तर न गाळताही पिऊ शकता). ग्लासमध्ये बर्फाचे तुकडे टाकून थंडगार ज्यूस सर्व्ह करा.

द्राक्षाच्या ज्यूसचे फायदे

हृदयासाठी उत्तम: द्राक्षांमध्ये असलेल्या अँटी-ऑक्सिडंट्समुळे रक्ताभिसरण सुधारते आणि हृदयविकाराचा धोका कमी होतो.

त्वचेसाठी फायदेशीर: यामध्ये 'व्हिटॅमिन सी' भरपूर असल्याने त्वचेवर नैसर्गिक चमक येते.

पचनशक्ती सुधारते: बद्धकोष्ठतेचा त्रास असल्यास द्राक्षाचा रस पिणे गुणकारी ठरते.

झटपट ऊर्जा: थकवा जाणवत असल्यास एक ग्लास द्राक्षाचा रस प्यायल्याने शरीराला त्वरित ऊर्जा मिळते.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik