|| श्री हनुमदष्टकम् ||

मत्सरतापविशेषनिपीडितबाह्यमतेश्च कथं चिदमेयं

त्वां भजतो मम देहि दयाघन हे हनुमन् स्वपदांबुजदास्यम् ॥ 5 ॥

संसृतिवृक्षमनेकशताघनिदानमनंतविकर्मसुशाखं

दुःखफलं करणादिपलाशमनंगसुपुष्पमचिंत्यसुमूलम् ।

तं ह्यधिरुह्य हरे पतितं शरणागतमेव विमोचय मूढं

त्वां भजतो मम देहि दयाघन हे हनुमन् स्वपदांबुजदास्यम् ॥ 6 ॥

संसृतिपन्नगवक्त्रभयंकरदंष्ट्रमहाविषदग्धशरीरं

प्राणविनिर्गमभीतिसमाकुलमंदमनाथमतीव विषण्णम् ।

मोहमहाकुहरे पतितं दययोद्धर मामजितेंद्रियकामं

त्वां भजतो मम देहि दयाघन हे हनुमन् स्वपदांबुजदास्यम् ॥ 7 ॥

इंद्रियनामकचोरगणैर्हृततत्त्वविवेकमहाधनराशिं

संसृतिजालनिपातितमेव महाबलिभिश्च विखंडितकायम् ।

त्वत्पदपद्ममनुत्तममाश्रितमाशु कपीश्वर पाहि कृपालो

त्वां भजतो मम देहि दयाघन हे हनुमन् स्वपदांबुजदास्यम् ॥ 8 ॥

ब्रह्ममरुद्गणरुद्रमहेंद्रकिरीटसुकोटिलसत्पदपीठं

दाशरथिं जपति क्षितिमंडल एष निधाय सदैव हृदब्जे ।

तस्य हनूमत एव शिवंकरमष्टकमेतदनिष्टहरं वै

यः सततं हि पठेत्स नरो लभतेऽच्युतरामपदाब्जनिवासम् ॥ 9 ॥

इति श्री मधुसूदनाश्रम शिष्याऽच्युतविरचितं श्रीमद्दनुमदष्टकम् ।

-----------------------------------

|| श्री हनुमदष्टकम् ||

वैशाखमास कृष्णायां दशमी मन्दवासरे ।

पूर्वभाद्रासु जाताय मङ्गलं श्री हनूमते ॥१॥

गुरुगौरवपूर्णाय फलापूपप्रियाय च ।

नानामाणिक्यहस्ताय मङ्गलं श्री हनूमते ॥२॥

सुवर्चलाकलत्राय चतुर्भुजधराय च

उष्ट्रारूढाय वीराय मङ्गलं श्री हनूमते ॥३॥

दिव्यमङ्गलदेहाय पीताम्बरधराय च ।

तप्तकाञ्चनवर्णाय मङ्गलं श्री हनूमते ॥४॥

भक्तरक्षणशीलाय जानकीशोकहारिणे ।

ज्वलत्पावकनेत्राय मङ्गलं श्री हनूमते ॥५॥

पम्पातीरविहाराय सौमित्रीप्राणदायिने ।

सृष्टिकारणभूताय मङ्गलं श्री हनूमते ॥६॥

रंभावनविहाराय सुपद्मातटवासिने ।

सर्वलोकैकण्ठाय मङ्गलं श्री हनूमते ॥७ ।

पञ्चाननाय भीमाय कालनेमिहराय च ।

कौण्डिन्यगोत्रजाताय मङ्गलं श्री हनूमत ॥८॥

|| इति श्री हनुमदष्टकम् ||