पाकिस्तान सांप्रदायिक हिंसाचारामुळे आतापर्यंत 88 जणांचा मृत्यू

पाकिस्तानमधील खैबर पख्तुनख्वा प्रांतातील कुर्रम जिल्ह्यात सांप्रदायिक हिंसाचारामुळे परिस्थिती सुधारण्याऐवजी अधिकच बिकट होत आहे. खैबर पख्तुनख्वा प्रांतात दररोज दहशतवादी हल्ले आणि हिंसाचाराच्या घटना समोर येत आहेत.

गेल्या गुरुवारी दहशतवाद्यांनी खैबर पख्तुनख्वा प्रांतातील कुर्रम जिल्ह्यात एका प्रवासी व्हॅनवर गोळीबार केला होता, त्यात 47 जणांचा मृत्यू झाला होता. मारले गेलेले बहुतांश शिया मुस्लिम होते. या घटनेनंतर, कुर्रम जिल्ह्यात अलीझाई आणि बागान जमातींमध्ये संघर्ष झाला, ज्यामुळे जातीय हिंसाचार झाला. या हिंसाचारामुळे जिल्ह्यात अशांतता पसरली आहे. ठिकठिकाणी जाळपोळ आणि तोडफोड सुरू आहे.

अलीझाई कुळातील शिया मुस्लिम आणि बागान कुळातील सुन्नी मुस्लिम यांच्यातील संघर्षामुळे कुर्रम जिल्ह्यातील जातीय हिंसाचारात परिस्थिती आणखी बिकट झाली आहे. तसेच जीवित व वित्तहानीही होते. कुर्रम जिल्ह्यात जातीय हिंसाचारामुळे मृतांची संख्या 88वर पोहोचली आहे. मृतांचा आकडा आणखी वाढण्याची शक्यता आहे.

Edited By - Priya Dixit