'गेम ऑफ थ्रोन्स'ने रचले अनेक रेकॉर्ड

 'एचबीओ'ने दिलेल्या माहितीनुसार, रविवारी रात्री १.३६ कोटी लोकांनी 'The Iron Throne'सीरीज एचबीओवर पाहिली. नेटवर्कच्या इतिहासात हा जगातील सर्वाधिक पाहिला जाणारा टेलिकास्ट ठरला आहे. 'गेम ऑफ थ्रोन्स'वर २०१९ या वर्षांत जवळपास दहा कोटी ट्विट केले गेल्याची माहिती आहे. या सीरीजच्या फिनालेदरम्यान जॉन स्नो, ब्रॅन, ड्रॅगन आणि डेनेरेस या पात्रांसाठी सर्वाधिक ट्विट करण्यात आले.

'गेम ऑफ थ्रोन्स'चा गेल्या एका दशकापासून जगातील सर्वात प्रसिद्ध टीव्ही शोमध्ये समावेश करण्यात आला आहे. 'गेम ऑफ थ्रोन्स'च्या ८ सीजनमध्ये जवळपास ८३ एपिसोड प्रसारित करण्यात आले. १९ मे २०१९ रोजी 'गेम ऑफ थ्रोन्स'चा शेवटचा एपिसोड प्रसारित करण्यात आला.