एक सुरेख प्रार्थना

तुझे गीत गाता यावे असे वरदान दे॥

मायेसाठी माय दे, वारी साठी पाय दे।

तुझी कृपा कामधेनू, अशी एक गाय दे॥

दिवस भर काम दे, पोटापुरता दाम दे।

चिंता दूर करावया ओठी तुझे नाम दे॥

कष्ट आणि चारा दे, सोसायाला जोर दे। 

खांद्यावर देवा, तुझ्या पालखीचा भार दे॥

ध्रुवापरी स्थान दे, कर्णापरी दान दे।

श्रावणाच्या सेवेपरी थोडसं ईमान दे॥

तुकोबाची वीणा दे, ज्ञानियाची करुणा दे।

मूर्त डोळा, पायी माथा ठेवुनीया मरणा दे॥

मागू किती राहू दे, सारे एके ठायी शोभु दे।

वाट दाखवण्या गुरू, जन्मो जन्मी लाभू दे॥