Mango Modak अतिशय रसाळ आणि सुगंधी मँगो मोदक बनवण्याची सोपी पद्धत; लिहून घ्या रेसिपी

साहित्य-
आंब्याचा रस: १ वाटी
खवा: २ वाट्या
साखर: १/२ वाटी
वेलची पूड: १/२ छोटा चमचा
केशर: ५-६ दुधात भिजवलेले
तूप: १ मोठा चमचा

कृती-
सर्वात आधी एका नॉन-स्टिक कढईत एक चमचा तूप गरम करा. त्यात किसलेला खवा घालून मध्यम आचेवर ५-७ मिनिटे नीट परतून घ्या. खवा मऊ झाला की त्याचा रंग हलका बदलायला हवा. आता यात आंब्याचा रस आणि साखर मिसळा. हे मिश्रण सतत ढवळत राहा जेणेकरून ते कढईला चिकटणार नाही.
मिश्रण घट्ट होईपर्यंत शिजवा. जेव्हा हे मिश्रण कढईच्या कडा सोडू लागेल आणि त्याचा एक गोळा तयार होईल, तेव्हा समजावे की ते तयार आहे. शेवटी यात वेलची पूड आणि केशरचे दूध घालून व्यवस्थित मिक्स करा. गॅस बंद करा आणि हे मिश्रण एका प्लेटमध्ये काढून पूर्णपणे थंड होऊ द्या. मिश्रण थोडे कोमट असतानाच हाताला थोडे तूप लावा. मोदकाच्या साच्यालाही आतून तूप लावून घ्या. साच्यात हे मिश्रण भरून सुबक मँगो मोदक तयार करा.

खास टिप्स-
जर तुम्हाला गडद पिवळा रंग हवा असेल, तर तुम्ही चिमूटभर खाण्याचा पिवळा रंग वापरू शकता, पण नैसर्गिक आंब्याचा रंग सर्वात उत्तम दिसतो.
तुम्हाला आवडत असल्यास मोदकाच्या मध्यभागी पिस्त्याचे काप किंवा काजूचे तुकडे 'स्टफिंग' म्हणून भरू शकता.
जर तुम्हाला पारंपरिक उकडीचे मोदक बनवायचे असतील, तर पिठ मळताना पाण्यात थोडा आंब्याचा रस घाला आणि सारणातही आंब्याचा पल्प वापरा.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik