Delhi Kanjhawala Case: पोस्टमार्टम अहवालात बलात्काराची पुष्टी नाही

मुलीच्या प्रायव्हेट पार्टवर जखमेच्या खुणा नाहीत. डॉक्टर आज शवविच्छेदन अहवाल पोलिसांकडे सोपवतील. जीन्स आणि स्वब्स  सुरक्षित ठेवले होते. मौलाना आझाद वैद्यकीय महाविद्यालयाच्या शवागारात काल शवविच्छेदन करण्यात आले. मेडिकल बोर्डामार्फत मुलीचे पोस्टमार्टम करण्यात आले. पीडितेने दारू प्यायली होती की नाही याचा व्हिसेरा जपून ठेवण्यात आला आहे.

सीपी सागर प्रीत हुड्डा यांनी मंगळवारी पत्रकार परिषदेत सांगितले की, अपघातात मुलीसोबत आणखी एक मुलगी होती. पोलिसांनी तिला शोधून काढले आहे. तरुणीचा 164 अन्वये जबाब नोंदवण्यात आला आहे. ती पोलिसांना सहकार्य करत आहे. मुलगी या प्रकरणाची प्रत्यक्षदर्शी साक्षीदार आहे. पोलीस प्रत्येक बाजूने तपास करत आहेत. सध्या प्राथमिक स्तरावर तपास सुरू आहे.

दिल्लीतील कांझावालामध्ये नवीन वर्षाच्या दिवशी एका मुलीचा मृतदेह विवस्त्र अवस्थेत आढळून आला होता. माहिती मिळताच पोलीस घटनास्थळी दाखल झाले. मृतदेहाचे अनेक भाग छिन्नविछिन्न झाले होते. घटनास्थळापासून काही अंतरावर एक खराब झालेली स्कूटीही पोलिसांना आढळून आली. स्कूटीच्या पुढील उजव्या बाजूच्या भागाचे नुकसान झाले. पोलिसांना घटनास्थळी एकही साक्षीदार सापडला नाही. घटनास्थळी एक बूट पडलेला आढळून आला.

स्कूटीच्या नंबरच्या आधारे मुलीची माहिती गोळा केली. तपासानंतर पोलिसांनी अपघाताला कारणीभूत असलेली कारही जप्त केली. पोलिसांनी सर्व आरोपींना अटक केली आहे. 

Edited By - Priya Dixit