दुबई पुन्हा पर्यटकांच्या स्वागतासाठी सज्ज

दुबई माध्यमांच्या वृत्तानुसार, सरकारने या महामारीला ध्यानात ठेवून जारी केलेल्या मार्गदर्शक सूचनांचे पालन करावे, असे स्पष्टपणे सांगितले आहे. तसेच, पर्यटकांना त्यांचे कोरोना निगेटिव्ह सर्टिफिकेट सादर करावे लागेल किंवा दुबई विमानतळावर चाचणी करून घ्यावी लागेल. ज्यांनी रिपोर्ट पॉझिटिव्ह येतील, त्यांना १४ दिवस आयसोलेशनमध्ये ठेवले जाईल. दुबईच्या यात्रेदरम्यान ९६ तास आधी कोरोना विषाणूची तपासणी करणे देखील बंधनकारक केले आहे. दुबई प्रशासनाने असे म्हटले आहे की, पर्यटकांकडे आंतरराष्ट्रीय आरोग्य विमा असला पाहिजे तसेच, त्यांनी सर्व माहिती असलेले मोबाईल अ‍ॅप्लिकेशनही डाऊनलोड केले पाहिजे. याव्यतिरिक्त, त्यांना आरोग्याशी संबंधित फॉर्म देखील भरावा लागेल.