नाटककार राम गणेश गडकरी यांचा पुतळा तोडला. हे कृत्य अत्यंत निंदनीय - अजित पवार
पुण्यातील संभाजी उद्यानामधील नाटककार राम गणेश गडकरी यांचा पुतळा काहींनी मध्यरात्रीच्या सुमारास तोडला. हे कृत्य अत्यंत निंदनीय आहे. निवडणुका आल्या की काही संघटनांना असे उद्योग सुचतात. दोन समाजात तेढ निर्माण करण्याचे प्रयत्न काहीजण करत असतात. हा पुतळा गेल्या अनेक वर्षांपासून तिथे आहे. याआधी कोणीही कधीही पुतळ्याचा विरोध केला नाही. त्यामुळे अशातऱ्हेने पुतळा तोडणे म्हणजे निंदनीय प्रकार आहे. वैचारिक लढाई ही वैचारिक पद्धतीने लढायला हवी असे मत माजी मुख्यमंत्री अजित पवार यांनी व्यक्त केले आहे. वेगवेगळ्या विचारांमध्ये मत-मतांतर असू शकते, त्यात दुमत नाही. पण एखाद्या व्यक्तीचा पुतळा तोडणे म्हणजे संकुचित विचार आहे. आपला महाराष्ट्र हा फुले, शाहु, आंबेडकरांचा महाराष्ट्र आहे. महाराष्ट्राला पुरोगामी विचार लाभले आहेत. अशा आपल्या पुरोगामी महाराष्ट्रासाठी अशी घटना घडणे म्हणजे अत्यंत अशोभनीय कृत्य आहेअसे बोलत पवार यांनी मत व्यक्त केले आहे.
