मराठा आरक्षण कोर्टात टिकणार नाही - रामदास आठवले

रामदास आठवले खोपोलीत पत्रकारांशी संवाद साधला. याप्रसंगी त्यांनी मराठा आरक्षणासह राम मंदिर, प्रकाश आंबेडकर यांच्या भारिप,  ओवेसी यांच्या एमआयएम पक्षाच्या आघाडीबाबत मते मांडली आहे.  मराठा आरक्षणाला आमचा पाठिंबा तर आहेच. मात्र  आरक्षण न्यायालयात टिकणार नाही. केंद्राने देशात ७५ टक्के आरक्षणाचा कायदा केल्यावरच आरक्षणाचा मुद्दा सुटणार  असून, राज्‍य मागास आयोगाने दिलेल्‍या अहवालाप्रमाणे मराठा समाजात देखील मागासांची संख्‍या मोठी आहे त्‍यामुळे आरक्षणाचा मुद्दा उच्‍च न्‍यायालयात कदाचित टिकेल मात्र टक्‍केवारीचा विचार करता सुप्रीम कोर्टात हा मुद्दा टिकणार नाही, असे वाटत असल्याचे त्यांनी नमूद केले आहे.