कोरोनाः पंतप्रधान नरेंद्र मोदींच्या लोकप्रियतेत घट- सर्वेक्षण

modi carona
Last Modified बुधवार, 19 मे 2021 (19:02 IST)
कोरोना संसर्गाच्या दुसऱ्या लाटेचा परिणाम पंतप्रधान नरेंद्र मोदींच्या शक्तिशाली नेता या प्रतिमेवर झाला आहे. कोरोना संसर्गाची दुसरी लाट रोखण्यात आलेल्या अपयशाने मोदी यांच्या ताकदवान नेता या गुणांकनात घट झाली असल्याचं दोन सर्वेक्षणांतून स्पष्ट झालं आहे.

नरेंद्र मोदी यांच्या नेतृत्वाखाली सरकार 2014 मध्ये दणदणीत बहुमतासह सत्तेत आलं. 2019मध्येही मोदींच्या करिष्म्याने जादू केली आणि त्यांचंच सरकार पुन्हा निवडून आलं. या दोन विजयांमुळे देशातील सगळ्यात मोठे नेते अशी मोदींची प्रतिमा तयार झाली.

मात्र कोरोनाच्या दुसऱ्या लाटेचा फटका भारतीयांना मोठ्या प्रमाणावर बसला आहे. कोरोना रुग्णांच्या संख्येने 25 दशलक्षचा आकडा ओलांडला आहे. या लाटेला सामोरं जाण्यासाठी मोदी सरकारने पुरेशी तयारी केली नव्हती हे स्पष्ट झालं. यामुळे मोदी समर्थकांमध्ये घट होऊ लागली आहे असं अमेरिकास्थित डेटा इंटेलिजन्स कंपनी मॉर्निंग मॉर्निंग कन्सल्टने म्हटलं आहे. ही कंपनी जागतिक नेत्यांसंदर्भात घडामोडींचा अभ्यास करत असते.
मोदींचं गुणांकन या आठवड्यात 63 टक्के एवढं आहे. ऑगस्ट 2019 पासून अमेरिकेची ही कंपनी मोदींच्या लोकप्रियतेचा, त्यांच्या पाठीराख्यांचा अभ्यास करते आहे. एप्रिल महिन्यात मोदींच्या गुणांकनात 22 गुणांनी एवढी मोठी घट झाली.
भारताच्या सी व्होटर कंपनीने केलेल्या सर्वेक्षणातही हीच बाब उघड झाली आहे. मोदींच्या कामगिरीवर अतिशय समाधानी असलेल्या नागरिकांमध्ये घट झाल्याचं कंपनीचं म्हणणं आहे.
गेल्या वर्षी मोदींच्या प्रदर्शनावर अतिशय समाधानी असलेल्या नागरिकांची संख्या 65 टक्के होती. ती आता 37 टक्क्यांपर्यंत घसरली आहे.

मोदी सरकार सत्तेत आल्यापासून पहिल्यांदाच, सात वर्षात मोदी सरकारप्रती नाराजी असणाऱ्यांची संख्या मोदी सरकारची भलामण करणाऱ्यांच्या तुलनेत जास्त आहे.

पंतप्रधानांच्या राजकीय कारकीर्दीतलं हे सगळ्यात मोठं आव्हान आहे असं सी व्होटरचे संस्थापक यशवंत देशमुख यांनी रॉयटर्सशी बोलताना सांगितलं.
कोरोनाचा संसर्ग शहरांच्या बरोबरीने ग्रामीण भागात पसरू लागला आहे तसतसं पंतप्रधान मोदींच्या लोकप्रियतेत घट होऊ लागली आहे. शहरांमध्ये नागरिकांना ऑक्सिजन, बेड्स, औषधं यांच्यासाठी वणवण करावी लागते आहे. स्मशानभूमीत अंत्यसंस्कारासाठी पार्थिवांची रांग लागल्याचं चित्र आहे. सरकारची साथ नसल्याने असहाय्य नागरिक सोशल मीडियावर व्यक्त होत आहेत.

दिल्ली आणि मुंबई या मोठ्या शहरांना कोरोनाने घातलेला विळखा हळूहळू सैल होऊ लागला आहे. मात्र आता हा व्हायरस ग्रामीण भागात वेगाने पसरतो आहे. या भागात सार्वजनिक आरोग्य व्यवस्था तितकी सक्षम नाही.
देशातल्या लोकांना हे उमगून चुकलं आहे की त्यांना त्यांचे कुटुंबीय, नातेवाईक, मित्रपरिवार यांचीच साथ आहे. सरकार मदतीला येणार नाही असं काँग्रेसचे नेते पी. चिदंबरम यांनी सांगितलं.

कोव्हिडविरुद्धच्या लढाईत केंद्र सरकारने बाजूला राहिलं आहे असं ते म्हणाले. दुसरीकडे कोरोनाचा संसर्ग रोखण्यासाठी सर्वतोपरी प्रयत्न करत असल्याचं मोदी सरकारने म्हटलं आहे. शतकात एकदाच येणारी अशी ही संसर्गाची साथ आहे असं मोदी सरकारने म्हटलं आहे.
कोरोनाला रोखण्यात सरकारला आलेल्या अपयशाच्या मुद्यावर सरकारला घेरता न आल्याने मोदींच्या गुणांकनात घट झाली असली तरी तेच अजूनही देशातील सगळ्यात लोकप्रिय नेते आहेत असं सी व्होटर सर्वेक्षणात स्पष्ट झालं आहे.
2024 पर्यंत पंतप्रधान मोदींना राष्ट्रीय निवडणुकांना सामोरं जायचं नाहीये.


यावर अधिक वाचा :

ज्ञानवापी सर्वेक्षणावर बंदी घालण्यास सर्वोच्च न्यायालयाचा ...

ज्ञानवापी सर्वेक्षणावर बंदी घालण्यास सर्वोच्च न्यायालयाचा नकार, शिवलिंगाची जागा सील करून नमाज अदा सुरू ठेवण्याचे आदेश
ज्ञानवापी मशिदीच्या सर्वेक्षणाला स्थगिती देण्यास सर्वोच्च न्यायालयाने नकार दिला या ...

विवाहितेवर दिवसाढवळ्या बलात्कार; दोघा भावांना अटक

विवाहितेवर दिवसाढवळ्या बलात्कार; दोघा भावांना अटक
मुंबई: अनोळखी क्रमांकावरून मिस कॉल आला. मिस कॉलवरून संवाद रंगला. पुढे फेसबुकवरून मैत्री ...

कर्नाटकातील शालेय पुस्तकातून भगतसिंग यांच्याशी संबंधित ...

कर्नाटकातील शालेय पुस्तकातून भगतसिंग यांच्याशी संबंधित मजकूर काढून टाकणे म्हणजे शहीदांचा अपमान : केजरीवाल
दिल्लीचे मुख्यमंत्री अरविंद केजरीवाल यांनी मंगळवारी शालेय पुस्तकातून भगतसिंग यांच्यावरील ...

माडसांगवीत पतीने केला पत्नीचा निघृण खून

माडसांगवीत पतीने केला पत्नीचा निघृण खून
नाशिक nashik शहरालगत असलेल्या माडसांगवी गावात भीषण प्रकार घडला आहे. संतापलेल्या पतीने ...

शरद पवारांकडूनच राज्यातील महाविकास आघाडी सरकार अस्थिर ...

शरद पवारांकडूनच राज्यातील महाविकास आघाडी सरकार अस्थिर करण्याचा डाव? भाजपचा गंभीर आरोप
महाराष्ट्रात सध्या शरद पवार यांच्या मूक संमतीने सरकार पुरस्कृत दहशतवाद माजला असून ...

Women's T20 Challenge 2022: बीसीसीआयने महिला टी-20 चॅलेंजचे ...

Women's T20 Challenge 2022: बीसीसीआयने महिला टी-20 चॅलेंजचे शीर्षक प्रायोजक घोषित केले, या कंपनीला शीर्षक प्रायोजकत्वाचे अधिकार दिले
भारतीय क्रिकेट नियामक मंडळाने (BCCI) या वर्षीच्या महिला T20 चॅलेंज स्पर्धेसाठी शीर्षक ...

महिलेवर हात उगारला तर हात तोडून हातात देईन-सुप्रिया सुळे

महिलेवर हात उगारला तर हात तोडून हातात देईन-सुप्रिया सुळे
पुण्यात स्मृती इराणी यांच्या कार्यक्रमात भाजप कार्यकर्त्याकडून राष्ट्रवादीच्या महिला ...

राज ठाकरे भडकले; जगू द्याल की नाही ...!

राज ठाकरे भडकले; जगू द्याल की नाही ...!
मनसे अध्यक्ष राज ठाकरे आपल्या स्पष्ट वक्तव्यामुळे नेहमी चर्चेत असतात.

ज्येष्ठ नेते मधुकर शेवाळे यांचे निधन

ज्येष्ठ नेते मधुकर शेवाळे यांचे निधन
आंबेडकर चळवळीतील ज्येष्ठ नेते मधुकर शेवाळे यांचे मंगळवारी अल्पशा आजाराने निधन झाले. ते 78 ...

रशिया -युक्रेन युद्ध-अनेक दिवसांच्या भीषण लढाईनंतर रशियाने ...

रशिया -युक्रेन युद्ध-अनेक दिवसांच्या भीषण लढाईनंतर रशियाने मारियुपोल ताब्यात घेतला, ल्विव्हमध्ये जोरदार बॉम्बफेक
अनेक दिवसांच्या भीषण लढाईनंतर रशियाने मंगळवारी युक्रेनियन सैन्याचा गड असलेल्या ...