महाराष्ट्रात बरे झालेल्या रुग्णांची संख्या अधिक, रिकव्हरी रेट 96.61 टक्के

Maharashtra has the highest number of cured patients with a recovery rate of 96.61 per cent Maharashtra News Coronavirus News In Marathi Webdunia Marathi

महाराष्ट्रात शुक्रवारी 6 हजार 600 नव्या कोरोना बाधित रुग्णांची नोंद झाली तर, 7 हजार 431 बरे झालेल्या रुग्णांना डिस्चार्ज देण्यात आला. राज्यातील एकूण कोरोना रुग्णांपैकी 60 लाख 83 हजार 319 रुग्ण उपचारानंतर कोरोनामुक्त झाले आहेत. राज्याचा रिकव्हरी रेट 96.61 टक्के एवढा झाला आहे.

आरोग्य विभागाच्या वतीने जाहीर केलेल्या आकडेवारीनुसार, महाराष्ट्रातील एकूण कोरोना बाधित रुग्णांची संख्या 62 लाख 96 हजार 756 एवढी झाली आहे. राज्यातील सक्रिय रुग्णांची संख्या कमी झाली असून, राज्यात सध्या 77 हजार 494 सक्रिय रुग्णांवर उपचार सुरू आहेत.

महाराष्ट्रात 231 कोरोना रुग्णांचा मृत्यू झाला आहे. राज्यात आजवर 1 लाख 32 हजार 566 रुग्ण मृत्यूमुखी पडले आहेत. राज्याचा कोरोना मृत्यूदर 2.10 टक्के एवढा झाला आहे.राज्यात आतापर्यंत 4 कोटी 77 लाख 60 हजार 862 नमूने तपासण्यात आले आहेत. सध्या राज्यात 4 लाख 79 हजार 553 जण होम क्वारंटाईन आहेत तर, 3 हजार 289 जण संस्थात्मक क्वारंटाईन आहेत.