संबंधित माहिती
- सीता मातेने पृथ्वीत प्रवेश केल्यानंतर काय झाले?
- हनुमानजींचे हे शक्तिशाली धडे तुम्हाला जीवनातील प्रत्येक समस्येपासून मुक्ती देतील
- जाणून घ्या का घेतात सात फेरे, प्रत्येक वचन आहे खास
- श्री शिवमहिम्न: स्तोत्रम् मराठी अर्थासह Shiva Mahimna Stotra
- गंगा सप्तमी: गंगा ही तिन्हीलोकात असल्यामुळे गंगाजल हे मानले जाते अमृत
श्री विष्णु षट्पदीस्त्रोतम्
अविनयमपनय विष्णो दमय मनः शमय विषयमृगतृष्णाम् ।
भूतदयां विस्तारय तारय संसारसागरतः ॥ 1 ॥
दिव्यधुनीमकरन्दे परिमलपरिभोगसच्चिदानन्दे ।
श्रीपतिपदारविन्दे भवभयखेदच्छिदे वन्दे ॥ 2 ॥
सत्यपि भेदापगमे नाथ तवाऽहं न मामकीनस्त्वम् ।
सामुद्रो हि तरङ्गः क्वचन समुद्रो न तारङ्गः ॥ 3 ॥
उद्धृतनग नगभिदनुज दनुजकुलामित्र मित्रशशिदृष्टे ।
दृष्टे भवति प्रभवति न भवति किं भवतिरस्कारः ॥ 4 ॥
मत्स्यादिभिरवतारैरवतारवताऽवता सदा वसुधाम् ।
परमेश्वर परिपाल्यो भवता भवतापभीतोऽहम् ॥ 5 ॥
दामोदर गुणमन्दिर सुन्दरवदनारविन्द गोविन्द ।
भवजलधिमथनमन्दर परमं दरमपनय त्वं मे ॥ 6 ॥
नारायण करुणामय शरणं करवाणि तावकौ चरणौ ।
इति षट्पदी मदीये वदनसरोजे सदा वसतु ॥ 7।।
इति श्रीमच्छंकराचार्यविरचितं षट्पदीस्त्रोतम संपूर्णम।।
पुढील लेख
