IPL 2021 2nd Phase : सामने रिकाम्या स्टेडियममध्ये खेळले जाणार नाहीत, तिकिटे कधी बुक करू शकता ते जाणून घ्या
इंडियन प्रीमियर लीग (IPL) 2021 च्या दुसऱ्या टप्प्यातील सामने रिकाम्या स्टेडियममध्ये खेळले जाणार नाहीत. 19 सप्टेंबर रोजी दुबई आंतरराष्ट्रीय स्टेडियमवर मुंबई इंडियन्स आणि चेन्नई सुपर किंग्ज यांच्यात फेज २ चा दुसरा सामना पाहण्यासाठी चाहते स्टेडियममध्ये येऊ शकतील. आयपीएल 2021 चा पहिला टप्पा रिक्त स्टेडियममध्ये खेळला गेला. आयपीएलच्या अधिकृत ट्विटर हँडलवरून ही बातमी शेअर करण्यात आली आहे. 2020 आयपीएल संयुक्त अरब अमिराती (यूएई) मध्ये खेळली गेली आणि नंतर ती रिक्त स्टेडियममध्ये खेळली गेली.
आयपीएल 2021 चा पहिला टप्पा भारतात खेळला गेला आणि त्यानंतरही सामने रिकाम्या स्टेडियममध्ये झाले. 2019 च्या आयपीएलनंतर ही पहिलीच वेळ असेल, जेव्हा चाहते स्टेडियममध्ये जाऊन सामन्याचा आनंद घेऊ शकतील. तिकीट बुकिंग संबंधी सर्व डिटेल्स आयपीएल साईटवर शेअर करण्यात आले आहेत.
आयपीएलनुसार, चाहते 16 सप्टेंबरपासून तिकीट बुक करू शकतात.
अधिकृत वेबसाइट www.iplt20.com व्यतिरिक्त PlatinumList.net साईटवरूनही तिकीट बुकिंग करता येते. आयपीएल 2021 च्या दुसऱ्या सत्रातील सर्व सामने शारजाह, दुबई आणि अबू धाबी येथे खेळले जातील. यूएई सरकारने जारी केलेल्या मार्गदर्शक सूचना आणि प्रोटोकॉलनुसार स्टेडियममध्ये मर्यादित जागा असतील.
