डिलिव्हरी बॉयला बुटाने मारहाण केल्याचा व्हिडीओ व्हायरल
सोशल मीडियावर एक व्हिडिओ व्हायरल होत आहे ज्यामध्ये एक महिला झोमॅटोच्या डिलिव्हरी बॉयला शूजने मारत आहे. @bogas04 नावाच्या ट्विटर युजरने हा व्हिडिओ पोस्ट केला आहे. महिलेच्या मागणीनुसार डिलिव्हरी बॉयने ऑर्डर पोहोचल्याचा दावा करण्यात आला आहे. यादरम्यान महिलेने त्याला बेदम मारहाण केली. घटनास्थळी उपस्थित असलेल्या प्रत्यक्षदर्शींनी या संपूर्ण घटनेचा व्हिडिओ बनवला.
हा व्हिडिओ 16 ऑगस्ट रोजी सोशल मीडियावर पोस्ट करण्यात आला आहे. आत्तापर्यंत, ही घटना कुठे घडली याबद्दल कोणतीही माहिती नाही. @bogas04 ने लिहिले की, घटनेची माहिती मिळाल्यानंतर त्यांनी झोमॅटो कस्टमर केअरला कॉल करण्याचा प्रयत्न केला.
@bogas04 नावाच्या ट्विटर वापरकर्त्याने Zomato Care आणि Zomato ला टॅग केले आणि लिहिले की, डिलिव्हरी बॉय माझी ऑर्डर घेऊन आला होता, यादरम्यान काही महिलांनी डिलिव्हरी बॉयकडून माझी ऑर्डर घेतली आणि त्याला मारहाण केली. घटनेनंतर डिलिव्हरी बॉय माझ्या घरी आला आणि रडू लागला. आपली नोकरी जाऊ शकते अशी भीती त्याला वाटत होती. डिलिव्हरी बॉयला न्याय मिळावा आणि त्याची नोकरी सुरक्षित राहावी यासाठी मी ट्विट करत आहे.
@bogas04 नावाच्या युजरने लिहिले की, एका महिलेने सँडविचसाठी डिलिव्हरी बॉयला मारहाण केली. डिलिव्हरी एजंटने महिलेला ती दुसऱ्याची ऑर्डर असल्याचे सांगितले आणि तिच्याकडे पावती मागितली. मात्र महिलेने त्याचे ऐकले नाही आणि त्याला मारहाण करण्यास सुरुवात केली.
झोमॅटोनेही व्हायरल होत असलेल्या व्हिडिओवर प्रतिक्रिया दिली आहे. कंपनीने ट्विटरवर म्हटले आहे की, “आम्ही याची चौकशी करत आहोत आणि सर्व तपशील मिळविण्यासाठी डिलिव्हरी बॉयशी संपर्क साधू. दुसरीकडे, व्हिडिओ व्हायरल झाल्यानंतर सोशल मीडिया वापरकर्त्यांनी आपल्या प्रतिक्रिया दिल्या आहेत. एका यूजरने लिहिले की, "अशा निर्लज्ज महिलेला कळले पाहिजे की तुम्ही दुसऱ्याची ऑर्डर घेत आहात, @zomato ने या महिलेविरुद्ध तक्रार दाखल करावी.
आणखी एका युजरने लिहिले की, महिलेचे अपमानास्पद वर्तन. दुसर्‍याने लिहिले, “हे डिलिव्हरी बॉईज पावसाची पर्वा न करता खूप मेहनत करतात, त्यांच्याशी असे वागणे अजिबात मान्य नाही. अशा प्रकारची हिंसक वागणूक योग्य नाही.
