दिल्लीमध्ये आयोजित करण्यात आलेल्या ऑटो एक्‍स्पोमध्ये हयुंदाई इंडिया ही कार निर्माता कंपनी सहभागी होणार आहे. भारतात कंपनीकडून कारचे उत्पादन आणि विक्रीला 20 वर्षे पूर्ण झाल्याने कंपनीसाठी हे वर्षे महत्त्वपूर्ण आहे. दिल्ली ऑटो एक्‍स्पोमध्ये कंपनीकडून 15 नवीन कार मॉडेल आणि तंत्रज्ञानाची मांडणी करण्यात येणार आहे.
कंपनीकडून एक्‍सपिरियन्स हयुंदाई या नावाने आपल्याकडील पर्यावरणपूरक, मोबिलिटी आणि कनेक्‍टेड तंत्रज्ञानाचे सादरीकरण करण्यात येईल. कंपनीचा आयओनिक हा ब्रॅन्ड यावेळी प्रदर्शित केला जाणार असून यामध्ये हायब्रिड, प्लग इन आणि इलेक्‍ट्रिक या तिन्ही प्रकारांतील मॉडेल सादर करण्यात येईल. या तिन्ही प्रकारांतून सेवा देणारी ही जगातील पहिली कार आहे.
कंपनीचा एनफ हा एक ब्रॅन्ड असून यामध्ये उच्च दर्जाच्या तंत्रज्ञानाचा वापर करण्यात आलेला असतो. नावीन्यपूर्ण तंत्रज्ञानाची कंपनीकडून निर्मिती करण्यात येत असून जागतिक पातळीवरील रोबोटिक्‍स सादर करण्यात येईल. कंपनीकडून कोना ही कॉम्पॅक्‍ट यूएसव्ही प्रकारातील मॉडेल प्रदर्शनात मांडण्यात येणार आहे, असे कंपनीकडून सांगण्यात आले.
सेफ्टीसाठी कारमध्ये ठेवण्यात आलेले आहे हे फीचर्स -
