रिलायन्सच्या निकालांवर कंपनीचे अध्यक्ष श्री मुकेश अंबानी यांची टिप्पणी
दिवाळीपूर्वी, आपणा सर्वांना माझ्या हार्दिक शुभेच्छा. आपण कोविड साथीच्या आजारातून लवकरच सावरू या आशेने आणि विश्वासासह प्रकाशाचा सण साजरा करूया. भारतातील आणि जगातील आपल्या सर्वांची उज्ज्वल भविष्याकडे वाटचाल सुरू होईल अशी माझी आशा आहे. मला कळवण्यात आनंद होत आहे की रिलायन्सने आर्थिक वर्ष 2022 च्या दुसऱ्या तिमाहीत चांगली कामगिरी केली आहे.
हे आमच्या व्यवसायाची मूळ शक्ती आणि भारतीय आणि जागतिक अर्थव्यवस्थेची ताकद दर्शवते. आमचे सर्व व्यवसाय प्री-कोविड पातळीच्या पलीकडे गेले आहेत. आमचे कार्य आणि आर्थिक कामगिरी किरकोळ विभागातील जलद पुनर्प्राप्ती आणि तेल-ते-रसायने (O2C) आणि डिजिटल सेवा व्यवसायात सतत वाढ दर्शवते.
आमच्या O2C व्यवसायाला उत्पादनांच्या मागणीमध्ये वेगाने सुधारणा आणि उच्च वाहतूक इंधन मार्जिनमुळे फायदा झाला आहे. फिजिकल स्टोअर्स आणि डिजिटल ऑफर या दोन्हीद्वारे चालवलेल्या वेगवान विस्ताराच्या पार्श्वभूमीवर रिलायन्स रिटेल वाढत आहे. यामुळे महसुलात लक्षणीय वाढ झाली आणि मार्जिन वाढले. आमचा डिजिटल सेवा व्यवसाय - जिओ, भारतातील ब्रॉडबँड बाजाराचा चेहरामोहरा सतत बदलत आहे आणि उद्योगासाठी नवीन मापदंड ठरवत आहे.
आम्ही नवीन ऊर्जा आणि नवीन साहित्य व्यवसायात ठोस प्रगती करत आहोत. भारत हा हरित ऊर्जेचा जगात अग्रेसर व्हावा, हे आमचे स्वप्न आहे, त्यामुळेच सौर आणि हरित ऊर्जा क्षेत्रात काम करणाऱ्या जगातील सर्वोत्तम कंपन्यांमध्ये आम्ही गुंतवणूक केली आहे.
या रोमांचक प्रवासात आम्ही आमच्या नवीन भागीदारांचे स्वागत करतो. आमचे उद्दीष्ट असे आहे की अशा ग्रीन सोल्युशन्स एकत्रितपणे तयार कराव्यात जेणेकरून आपण पृथ्वीचे भविष्य सुरक्षित करू शकू आणि जगासह प्रत्येक भारतीयाला विकासात समान वाटा मिळेल याची खात्री करू. मला विश्वास आहे की 2035 पर्यंत आम्ही "नेट कार्बन झिरो" बनण्याचे आमचे महत्वाकांक्षी लक्ष्य साध्य करू शकू.
मी अत्यंत आनंदी आहे की "मिशन वैक्सीन सुरक्षा" अंतर्गत आमच्या प्रत्येक कर्मचाऱ्याला लस उपलब्ध करून दिली जात आहे. ”मिशन वैक्सीन सुरक्षा” मध्ये, आम्ही थेट किंवा इतर संस्थांच्या मदतीने या लसी देशाच्या अधिक भागात पोहोचवण्याचा प्रयत्न करत आहोत.
