भारत-सिंगापूर हवाई प्रवास पूर्ववत, या दिवसापासून उड्डाण करता येणार आहे
India Singapore flights: भारत आणि सिंगापूर दरम्यानची विमानसेवा पुढील आठवड्यापासून सुरू होणार आहे. सिंगापूरने व्यावसायिक प्रवासी उड्डाणे पुन्हा सुरू करण्यासाठी भारताच्या नागरी विमान वाहतूक मंत्रालयाशी सहमती दर्शवली आहे. सिंगापूरच्या नागरी उड्डाण प्राधिकरणाने (CAAS)सांगितले की, भारतासोबत सिंगापूर व्हॅक्सिनेटेड ट्रॅव्हल लेन (VIL)सोमवार, 29 नोव्हेंबरपासून सुरू होईल. यादरम्यान चेन्नई, दिल्ली आणि मुंबई येथून दररोज सहा उड्डाणे सुरू होतील.
भारतातून सिंगापूरला जाणाऱ्या प्रवाशांसाठी 'वॅक्सिनेशन ट्रॅव्हल पास' (VTP)साठी अर्ज भरण्यास आजपासून सुरुवात झाली आहे. CAAS ने म्हटले आहे की एअरलाइन्स भारत आणि सिंगापूर दरम्यान नॉन-व्हीटीएल फ्लाइट्स देखील ऑपरेट करू शकतात, जरी व्हीटीएल नसलेल्या फ्लाइटमधील प्रवासी सरकारने जारी केलेल्या मार्गदर्शक तत्त्वांनुसार प्रवास करण्यास सक्षम असतील.
सिंगापूर नागरी विमान वाहतूक प्राधिकरणाचे म्हणणे आहे की प्रवासी VTL सुरू होण्याची वाट पाहत आहेत आणि आम्ही प्रवाशांना आश्वासन देतो की VTP अर्जासाठी गर्दी करण्याची गरज नाही. 29 नोव्हेंबर ते 21 जानेवारी 2022 पर्यंत सिंगापूरमध्ये प्रवेश करू इच्छिणाऱ्यांसाठी VTP अर्ज खुले असतील असे प्राधिकरणाने म्हटले आहे.
