Swiftचा मायक्रो SUV अवतार येतोय; वाढू शकतो Tata Punchचा ताण
नवीन पिढीची Suzuki Swift पुढील वर्षी लॉन्च करण्यासाठी सज्ज आहे. त्याच वेळी, या कारचे स्पोर्टी व्हर्जन स्विफ्ट स्पोर्ट 2023 मध्ये लॉन्च केले जाऊ शकते. दरम्यान, एक नवीन अहवाल आला आहे, ज्यामध्ये असे म्हटले आहे की कंपनी सध्या मायक्रो SUV वर देखील काम करत आहे. bestcarweb.jp नुसार, ही मायक्रो एसयूव्ही नवीन पिढीच्या सुझुकी स्विफ्ट हॅचबॅचवर आधारित असेल आणि कंपनी ती Suzuki Swift Cross नावाने बाजारात लॉन्च करेल.
टाटा पंचशी स्पर्धा करेल
सुझुकी स्विफ्ट क्रॉस कंपनीच्या इग्निस आणि विटारामधील सेगमेंटमध्ये ही कार येईल. कंपनी भारतात कधी लाँच करेल याबाबत निश्चितपणे काहीही सांगता येत नाही. जर ती भारतात लॉन्च केली गेली, तर तिची टाटाच्या SUV Punch शी थेट स्पर्धा होईल. असे सांगितले जात आहे की कंपनी स्विफ्ट क्रॉसचा वर्ल्ड प्रीमियर 2024 मध्ये करू शकते.
129bhp पॉवर असणारा इंजिन
स्विफ्ट क्रॉसचे प्लॅटफॉर्म असेल आणि इंजिन नवीन पिढीच्या स्विफ्ट हॅचबॅकसारखेच असू शकते. तथापि, यामध्ये कंपनी वाढीव ग्राउंड क्लीयरन्स, स्किड प्लेट्स आणि हेवी प्लॅस्टिक क्लेडिंग देऊ करेल जेणेकरून ती SUV सारखी दिसावी. नवीन स्विफ्टमधून नवीन मॉडेलमध्ये भिन्न शीट मेटल वापरली जाऊ शकते. इंजिनबद्दल बोलायचे झाल्यास, सुझुकी स्विफ्ट क्रॉसमध्ये 1.4-लिटर टर्बोचार्ज्ड पेट्रोल इंजिन दिले जाऊ शकते, जे 48V सौम्य हायब्रिड तंत्रज्ञानासह येईल. हे इंजिन 235Nm टॉर्क आणि 129bhp पॉवर जनरेट करते.
