ख्रिसमस साजरा करण्याची पद्धत
* हा सण १२ दिवस साजरा करतात.
* ह्या दरम्यान बागेत, चर्चमध्ये एकत्र येऊन, मेणबत्त्या लावून ख्रिसमस गीत (कॅरोल) म्हटले जाते.
* २४-२५ डिसेंबरची रात्र ही या सणातील महत्त्वाची असते. कारण त्यावेळी येशू ख्रिस्ताचा जन्म होतो. या दिवशी चर्चमध्ये विशेष प्रार्थनासभा आयोजित केल्या जातात.
* मुलांसाठी २४ डिसेंबरची अर्धी रात्र महत्वाची असते. जेव्हा सांताक्लॉज घराच्या चिमणीच्या (धुराडे) आत घुसून झोपलेल्या मुलांच्या टांगलेल्या मोज्यांत खेळणी टाकतो.
* घरातल्या पाळीव प्राण्यांनाही त्यांच्या आवडीच्या भेटवस्तू असतात.
* प्रत्येक रात्री मेजवानी असते. त्यात मुख्य अतिथी म्हणून घरची मोठी माणसे असतात. मित्र आणि आप्तेष्ठ या मेजवानीत सामील होऊन मौजमजा करतात.
* घरातल्या प्रत्येकासाठी ख्रिसमस ट्री वर काहीतरी गिफ्ट टांगलेले असते. २५ डिसेंबरला उठल्यावर पहिल्यांदा लोक त्या भेटवस्तू बघतात.
