ऑस्ट्रेलियन कंपनीने मागितली सचिनची माफी

स्पार्टन कंपनीच्या प्रमोशनसाठी मुंबई आणि लंडनमध्ये काही कार्यक्रमही केले होते. मात्र कंपनीने करारातील सर्व नियमांचा भंग केल्याचा आरोप सचिनने केला होता. अखेरीस दोन्ही पक्षांमध्ये झालेल्या समजुतीनंतर, आपली चूक मान्य करत कोर्टाच्या आदेशानुसार सचिनचे नाव किंवा त्याचा फोटो आपल्या उत्पादनांवर न वापरण्याचे मान्य केले आहे. 17 डिसेंबर 2018 नंतर स्पार्टन आणि सचिन यांच्यातला करार अधिकृतरित्या संपलेला आहे, यानंतरच्या कोणत्याही उत्पादनांसाठी कंपनी सचिनचं नाव वापरणार नाही, असे स्पार्टनचे संचालक लेस गलाब्रेथ यांनी स्पष्ट केले.

दरम्यान या प्रकरणात दोन्ही पक्षांनी फारसा वाद न वाढवता मैत्रीपूर्ण तोडगा काढल्याबद्दल सचिननेही समाधान व्यक्त केल्याची माहिती एसआरटी स्पोर्ट मॅनेजमेंट कंपनीचे मुख्य  कार्यकारी अधिकारी मृणॉय मुखर्जी यांनी दिली.