विराटच्या हॉटेल रूमचा व्हिडिओ लीक, फॅन रुममध्ये घुसल्याने खेळाडू संतापला
विराट कोहलीच्या हॉटेलमध्ये एक चाहता घुसला आणि त्याचा व्हिडिओ सोशल मीडियावर व्हायरल झाला. यामुळे संतापलेल्या कोहलीने गोपनीयतेचा मुद्दा गांभीर्याने घेतला आहे. आता या प्रकरणावरून चांगलाच गदारोळ झाला आहे. विराटच्या या चाहत्याने हॉटेलमधील त्याच्या खोलीत जाऊन कोहलीच्या खोलीचा व्हिडिओ बनवला आणि तो सोशल मीडियावर अपलोड केला. यासोबतच या चाहत्याने किंग कोहलीची हॉटेलची खोली असे लिहिले आहे.
विराट कोहलीने सोमवारी सकाळी त्याच्या इंस्टाग्रामवर एक व्हिडिओ पोस्ट केला ज्यामध्ये त्याची हॉटेलची खोली दिसत आहे. हा व्हिडीओ पोस्ट करत माजी कर्णधाराने आपल्या गोपनीयतेचा भंग कसा झाला हे सांगितले. कोहलीने पोस्ट केलेल्या व्हिडिओमध्ये 'हॉटेल रूम ऑफ किंग कोहली' असे लिहिले आहे. हा व्हिडिओ पाहिल्यावर एका चाहत्याने त्याच्या अनुपस्थितीत हा व्हिडिओ शूट केल्याचे स्पष्ट होते. हा व्हिडिओ लीक झाल्यानंतर विराट कोहली चांगलाच संतापलेला दिसला आणि त्याने चाहत्यांना त्याच्या गोपनीयतेचा आदर करण्यास सांगितले.
त्याचा व्हिडिओ शेअर करून विराटनेच गोपनीयतेचा मुद्दा उपस्थित केला आहे. हा व्हिडीओ शेअर करताना विराटने लिहिले की, "मला समजले आहे की चाहते त्यांच्या आवडत्या खेळाडूला पाहून खूप आनंदी असतात आणि त्याला भेटण्यासाठी उत्सुक असतात. पण हा व्हिडिओ घाबरवणारा आहे. जर मला माझ्या हॉटेलच्या रूममध्ये प्रायव्हसी मिळत नसेल तर मी कुठे अपेक्षा करू शकतो? मी या प्रकारच्या कृतीशी आणि माझ्या गोपनीयतेच्या उल्लंघनाशी सहमत नाही. मी ते स्वीकारत नाही. लोकांच्या गोपनीयतेचा आदर करा आणि त्यांना तुमच्यासाठी मनोरंजनाचा स्रोत मानू नका."
कोहलीने पोस्ट केलेल्या या व्हिडिओवर ऑस्ट्रेलियाचा सलामीवीर डेव्हिड वॉर्नरसह अनेक बॉलिवूड सेलिब्रिटींनी प्रतिक्रिया दिल्या आहेत. त्याने चाहत्याचे हे कृत्य लज्जास्पद आणि अस्वीकार्य असल्याचे म्हटले आहे.
