संबंधित माहिती
- आईने दिलेले लोणचे कोरडे झाले का?, ते पुन्हा पूर्वीसारखे चटपटीत आणि रसरशीत करण्यासाठी या खास ट्रिक्स
- काकडी सालीसकट खावी का? ती खाण्याची योग्य पद्धत माहित आहे का तुम्हाला?
- तुम्हाला डाळिंबाचे दाणे काढण्याचा कंटाळा येतो का? तर या युक्त्या वापरून पहा, काही सेकंदात डाळिंब सोलून त्याचे दाणे काढू शकता
- तुमच्या रोजच्या जेवणाला 'स्पेशल टच' देण्यासाठी या ४ सोप्या टिप्स नक्की वापरून पहा
- लिंबाचा रस काढल्यानंतर त्याची साल फेकून देऊ नका; स्वच्छतेसाठी खूप उपयुक्त असून अश्या प्रकारे करा उपयोग
आलू पराठा म्हटलं की तोंडाला पाणी सुटतं, पण तो हॉटेलसारखा चविष्ट होण्यासाठी काही महत्त्वाच्या गोष्टींकडे लक्ष देणे गरजेचे
आलू पराठा म्हटलं की तोंडाला पाणी सुटतं, पण तो हॉटेलसारखा खुसखुशीत आणि चविष्ट होण्यासाठी काही छोट्या पण महत्त्वाच्या गोष्टींकडे लक्ष देणे गरजेचे आहे. तर चला आज आपण उत्तम आलू पराठा बनवण्यासाठी या काही खास टिप्स पाहणार आहोत.
१. बटाटे हाताने मॅश करण्याऐवजी किसणीने किसून घ्या. यामुळे बटाट्याचे मोठे तुकडे राहत नाहीत आणि पराठा लाटताना फाटत नाही.
२. पराठ्यासाठी कणीक मळताना ती जास्त घट्ट नसावी. कणीक नरम आणि लवचिक असावी. यामुळे सारण पराठ्यात व्यवस्थित पसरते. तसेच कणीक मळल्यावर किमान १५-२० मिनिटे झाकून ठेवा, जेणेकरून ती छान मुरेल.
३. सारण बनवताना त्यात पाणी अजिबात नसावे. बारीक चिरलेला कांदा वापरणार असाल, तर तो बटाट्यात मिसळण्यापूर्वी त्याचे जास्तीचे पाणी पिळून काढा. व आमचूर पावडर किंवा चाट मसाला जरूर वापरा, यामुळे छान चटपटीत चव येते. बारीक चिरलेली हिरवी मिरची आणि भरपूर कोथिंबीर चव वाढवतात.
४. पराठा टाकण्यापूर्वी तवा व्यवस्थित गरम झालेला असावा. पराठा भाजताना तेल वापरण्यापेक्षा तूप किंवा बटर वापरा. यामुळे पराठा अधिक खुसखुशीत लागतो. जर तुमचे सारण चुकून थोडे मऊ झाले असेल, तर त्यात थोडे भाजलेले बेसन किंवा ब्रेड क्रम्ब्स मिसळा. यामुळे जास्तीचा ओलावा शोषला जाईल.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
Edited By- Dhanashri Naik
