साहित्य : 1 किलो चिकन, 2 लहान चमचे काश्मिरी लाल तिखटाची पूड, 100 ग्रॅम खसखस, 50 ग्रॅम शेंगदाण्याची पेस्ट, 10 लवंगा, 1/2 कप नारळाचा कीस, 2 लहान चमचे चिरलेल्या हिरव्या मिरच्या, 50 ग्रॅम काजू, 2 मोठे चमचे आलं-लसणाची पेस्ट, 75 ग्रॅम चिंच, 3 मोठे चमचे तेल, मीठ चवीप्रमाणे, कडीलिंब, जिरं, 1 लहान चमचा गरम मसाला, कोथिंबीर.
कृती : एका मोठ्या भांड्यात किंवा तव्यावर खसखस, काश्मिरी लाल तिखट, शेंगदाण्याचे कूट, काजू, लवंगा, किसलेले नारळ टाकून परतून घ्यावे व त्याची बारीक पेस्ट करून घ्यावी.
एका कढईत 2-3 चमचे तेल टाकून जिरं, कढीलिंब, हिरव्या मिरच्या व आलं लसणाची पेस्ट टाकावी, मग त्यात चिकनचे तुकडे टाकून शिजवावे त्यात वाटलेला मसाला व 1/2 कप चिंचेचा घोळ टाकावा, मीठ गरम मसाला व धने पूड टाकून परतावे. 2 कप गरम पाणी टाकून त्याला शिजत ठेवावे.
ही डिश जरा तिखट व मसालेदार असते, म्हणून तयार करताना त्यात काश्मिरी तिखटाची मात्रा आवडीनुसार कमी जास्त करू शकता.
