ऑफिसमध्ये 'कूल' राहण्यासाठी काही उपयोगी टिप्स
'वर्कींग वूमन'ला दिवसाचा सगळ्यात मोठा भाग ऑफिसच्या कामात घालवावा लागत असतो. कामाचा प्रचंड व्याप, टार्गेटचं डोक्यावर असलेलं ओझं, ऑफिसमधील पॉलिटिक्स, सहकाऱ्यांचे हेवे दावे अशा एक ना अनेक समस्यांच्या कचाट्यात ती अडकलेली दिसते. घर आणि कार्यालय यांच्यात उत्तम बॅलेन्स करण्यासाठी महिलांना शारीरिक व मानसिक ऊर्जांची आवश्यकता असते. जर ती महिलांकडे नसेल तर त्या जॉब करून घर सांभाळूच शकणार नाही. ऑफिसात नेहमी 'कूल' राहण्यासाठी खास टिप्स-
एखाद्या दिवशी आपल्या लहानपणाचे छायाचित्र ऑफिसात घेऊन जावा. लंच करताना ते आपल्या सहकार्‍यांना दाखवावे. यामुळे तुम्हाला व आपल्या सहकार्‍यांना बालपणीचे दिवस आठवतील व एकुणात तुमचा दिवस आनंदात जाईल.
कार्यालयातील सहकार्‍यांची एक छोटीशी 'गॅंग' बनवून घ्यावी. वेळ प्रसंगी ती आपल्या कामी येईल. कार्यालयीन वेळ सोडून एकत्र येऊन एकमेकांचे सुख-दु:ख वाटून घेतले पाहिजे.
कामातून थोडा वेळ काढून ऑफिसमधील प्रत्येक क्यूबिमध्ये जाऊन आपल्या सहकार्‍यांना हाय-हॅलो केले पाहिजे. त्याने आपल्याला मानसिक समाधान मिळते तसेच कामात मनही लागते.
आपले मन प्रसन्न होईल, अशा काही वस्तू आपल्या डेस्कवर ठेवल्या पाहिजेत. पंधरा दिवसातून त्या चेंज केल्या पाहिजेत. ऑफिसच्या पॉलिटिक्समध्ये चुकूनही भाग घेऊ नका. त्यातून तुम्हाला मनस्तापाशिवाय काहीच मिळणार नाही. आपल्या एका सहकार्‍यांची गोष्ट दुसर्‍या सहकार्‍याला सांगू नका.
ऑफिसात कुणाशी वाद होणार नाही याची काळजी घेऊन सगळ्यांशी मित्रत्वाचे संबंध जोपासले पाहिजेत. घरच्या गोष्टीचा ऑफिस कामावर व ऑफिसातील गोष्टीचा घरातील वातावरणावर परिणाम होणार नाही, हे लक्षात घेऊन मन लावून आपली जबाबदारी पार पाडली पाहिजे.
