राधा-कृष्णाचं आपल्या जीवनात हे महत्व असेल तर आजच लावा फोटो
पती-पत्नीचे संबंध मधुर असले तर पूर्ण कुटुंब आनंदी राहतं. पती व पत्नी यांच्यात समन्वय नसल्यास वैवाहिक जीवनात अडचणी वाढत जातात. या समस्यांवर मात करण्यासाठी बेडरूममध्ये राधा-कृष्णचे फोटो लावण्याचा सल्ला दिला जातो. काय महत्व आहे राधा-कृष्णाचा फोटो लावण्यामागे जाणून घ्या:
या गोष्टी लक्षात ठेवा
* राधा-कृष्ण प्रेम
राधा-कृष्ण यांच्यातील प्रेम सर्वांसाठी आदर्श आहे. म्हणूनच मंदिरात त्यांच्या मूर्तींची पूजा केली जाते. जेव्हा यांची मूर्ती किंवा फोटो दररोज डोळ्यासमोर येतो तेव्हा मनात जीवन साथीदारासाठी प्रेम वाढतं. राधा-कृष्ण यांच्यातील प्रेम निःस्वार्थ प्रेम असल्याचे प्रतीक आहे म्हणून पती-पत्नीने आपसात असे प्रेम निर्माण केले तर वैवाहिक जीवनातील अनेक समस्या दूर केल्या जाऊ शकतात.
* फोटो कुठे लावायला हवा?
प्रेमाचे प्रतीक राधा-कृष्णाची मूर्ती किंवा सुंदर चित्र बेडरूममध्ये असावे. चित्राला लाल रंगाची फ्रेम असल्यास उत्तम. लाल रंग देखील प्रेमाचे प्रतीक आहे. अशाने पती- पत्नी यांच्यातील समस्या दूर होतील. बेडरूममध्ये फोटोची जागा अशी असावी की येता-जाता त्यावर आपोआप लक्ष जाईल.
* या गोष्टींकडे देखील लक्ष द्या
आनंदी वैवाहिक जीवनासाठी पती-पत्नीने एकमेकांच्या विश्वासाचा भंग कधीच करु नये. जुन्या चुका पुन्हा वारंवार केल्या जाऊ नयेत, त्याबद्दल वारंवार चर्चा करु वाद घालू नये. बेडरूममध्ये कोणत्याही तिसर्‍या व्यक्तीबद्दल बोलू नये. एकमेकांचा सन्मान द्यावा.
