घरच्या घरी बनवा बाजारासारखी कुरकुरीत भेळ
बाजारातील भेळची चव घरी आणणे फारसे कठीण नाही. फक्त काही छोट्या टिप्स वापरल्या की तुमची भेळही अगदी 'ठेल्या'वर मिळते तशी कुरकुरीत आणि चटपटीत होईल. आज आपण झटपट आणि सोपी बाजारासारखी कुरकुरीत भेळ रेसिपी पाहणार आहोत.
साहित्य-
मुरमुरे (भडंग)-३-४ वाट्या (कुरकुरीत केलेले)
बारीक शेव, पापडी-अर्धी वाटी
कांदा व टोमॅटो-प्रत्येकी १ मध्यम (बारीक चिरलेला)
बटाटा-१ उकडलेला (फोडी करून)
ओली चिंच-गुळाची चटणी-२-३ मोठे चमचे
तिखट हिरवी चटणी-१-२ मोठे चमचे
मसाले-चाट मसाला, लाल तिखट, मीठ
सजावटीसाठी-कोथिंबीर, लिंबू आणि खारे दाणे
कृती-
सर्वात आधी मुरमुरे कढईत थोडे गरम करून घ्या. त्यात चिमूटभर हळद आणि मीठ घातले तर चव अधिक खुलते. एका मोठ्या बाऊलमध्ये बारीक चिरलेला कांदा, टोमॅटो आणि उकडलेला बटाटा घ्या. त्यात हिरवी तिखट चटणी आणि चिंच-गुळाची गोड चटणी घालून व्यवस्थित मिक्स करा. आता या मिश्रणात कुरकुरीत मुरमुरे, खारे दाणे आणि पापडी चुरडून टाका. वरून चाट मसाला आणि थोडे लाल तिखट भुरभुरा.सगळ्यात शेवटी भरपूर कोथिंबीर आणि बारीक शेव घाला. खाण्यापूर्वी अर्ध्या लिंबाचा रस पिळा आणि झटपट मिक्स करून लगेच सर्व्ह करा.
खास टिप्स-
मुरमुरे मऊ पडू नयेत: चटणी आणि मुरमुरे सगळ्यात शेवटी एकत्र करा. जर आधीच मिक्स करून ठेवले तर भेळ मऊ पडते.
पाण्याचा अंश टाळा: टोमॅटोचा मधला पाण्याचा भाग काढून फक्त वरचा गर चिरून वापरला तर भेळ जास्त वेळ कुरकुरीत राहते.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
Edited By- Dhanashri Naik
