संबंधित माहिती
- Career In Event Management:इव्हेंट मॅनेजमेंटमध्ये करिअर करा, पात्रता , कौशल्ये, व्याप्ती, पगार जाणून घ्या
- Relationship Tips: जोडीदाराच्या कामात काही अडचण येत असेल तर त्याला अशा प्रकारे सपोर्ट करा
- अशी बनवा हेल्दी मखाना चिक्की, जाणून घ्या साहित्य आणि कृती
- DDA मध्ये सल्लागार पदांसाठी भरतीची शेवटची संधी,अर्ज कसा करायचा ते जाणून घ्या
- नखे आरोग्याबद्दल खूप काही सांगतात, जाणून घ्या आपले आरोग्य कसे आहे
Tasty And Delicious Vada Pav Recipe - चविष्ट वडा पाव रेसिपी
महाराष्ट्रात वडा पाव मोठ्या आवडीने खातात. ह्याला बटाटा वडा देखील म्हणतात, ज्याला दोन पावांमध्ये ठेवतात. लहान मुलांपासून प्रौढांपर्यंत हा सर्वांचा आवडता नाश्ता आहे आणि आता तुम्हीही ही आवडती डिश फक्त 20 मिनिटांत घरी बनवू शकता.चला तर मग साहित्य आणि कृती जाणून घ्या.
साहित्य:
लादीपाव, 4मोठे बटाटे, 5 हिरव्या मिरच्या, एक चमचा आले लसूण पेस्ट, कोथिंबीर, लिंबू ,तळण्यासाठी तेल,
फोडणीचं साहित्य – 2 टिस्पून तेल, मोहरी, जिरे, चिमूटभर हिंग, हळद
आवरणासाठी – 1 कप चणाडाळीचं पिठ, आवश्यकतेनुसार पाणी, 1/2 टिस्पून हळद, चवीपुरते मीठ, चिमूटभर खायचा सोडा
कृती :-
बटाटे शिजवून मॅश करुन घ्यावे. गॅसवर कढई ठेवून 2 चमचे तेल गरम करुन मोहरी, जिरे, हिंग, हळद, बारीक चिरलेल्या मिरच्या, आलं -लसूण पेस्ट घालावी. नंतर त्यात बटाटा घालून मंद आचेवर परतून घ्यावं. मीठ घालून मिश्रण चांगले एकजीव करुन घ्यावं. शेवटी थोडा लिंबूरस घालावा. भाजी थंड होण्यासाठी ठेवावी.
आवरणासाठी बेसनात मीठ, हळद, किंचित सोडा घालून भिजवून घ्यावे.
थंड झाल्यावर मिश्रणाचे छोटे गोळे करावे. कढईमध्ये तेल तापून घ्यावं आणि भिजवलेल्या बेसन पिठात तयार गोळे बुडवून तेलात तळून घ्यावे. तळून झाल्यावर पाव मधोमध उभा कापून त्यामध्ये लसणाची लाल चटणी लावून आणि वडा ठेवून सर्व्ह करावे.
