मुधचंद्रासाठी आलेल्या दांपत्याच्या खोलीत बिबट्या
नैनिताल- मधुचंद्र साजरा करण्यासाठी नैनिताल आलेल्या एका दांपत्यावर तेव्हा बाका प्रसंग ओढवला जेव्हा पहाटे बिबट्या त्यांच्या खोलीत शिरला. दांपत्याचे नशीब बलवत्तर होते, की त्यांच्यावर हल्ला न करता बिबट्या बाथरूममध्ये जाऊन बसला.
मधुचंद्रासाठी मेरठहून आलेल्या सुमितने सांगितले की पहाटे सुमारे पाच वाजता अचानक खिडकीची काच तुटल्याचा आवाजाने झोप उडाली तर एक बिबट्या खोलीत शिरत आहे पाहून धक्काच बसला. पत्नीसोबत पटकन चादरीच्या आत शिरलो आणि हळूच बघितले तर बिबट्या बाथरूममध्ये जात होता. लगेच बाथरूमचे दार बंद करून मी हॉटेलच्या कर्मचार्‍यांना मदतीसाठी पाचारण केले.
नंतर हॉटेलच्या मालकाने लगेच याची माहिती पोलिस आणि वनाधिकार्‍यांना दिली. माहिती मिळताच प्राणी संग्रहालय आणि वन विभागाचे कर्मचारी तातडीने हॉटेलमध्ये दाखल झाले. परंतू तोपर्यंत बिबट्या तेथून पसार झाला होता. बाथरूममध्ये कोंडून ठेवलेल्या बि‍बट्याने तेथील काच तोडून पलायन केले होते.
माहितीनुसार कुत्र्यांचा एक झुंड बिबट्याचा पाठलाग करत होता म्हणून बचावासाठी बिबट्या हॉटेलमध्ये घुसला.
