संबंधित माहिती
- Deoghar : देवघरमध्ये रोपवे तुटला, 2 महिलांचा मृत्यू, तासनतास हवेत ट्रॉल्या झुलल्या, लोकांची आरडाओरड
- Rama Navami: रामनवमीनिमित्त देशभरात अनेक ठिकाणी मिरवणुकीवर हल्ले, दगडफेक आणि जाळपोळ
- Gujarat:भरुचमध्ये केमिकल कंपनीत स्फोट, 5 कर्मचारी जळाले, एक बेपत्ता
- यूपीमध्ये अनोखी चोरी : दागिने, रूपयांची नव्हे तर, चोरट्यांनी केली 60 किलो लिंबू, लसूण, कांदाही सोडला नाही
- लडाखमध्ये भीषण अपघात, बांधकामाधीन पूल कोसळून 4 मजुरांचा मृत्यू
दारूच्या नशेत 2 तरुणांनी लग्न केले
तेलंगणामध्ये दारूच्या नशेत दोन तरुणांनी लग्न केले. एका व्यक्तीचे वय 21 वर्षे आणि दुसऱ्याचे वय 22 वर्षे आहे. मीडिया रिपोर्ट्सनुसार, दोन पुरुष डुमापलापेट गावात एका दारूच्या दुकानात भेटले आणि त्यांची मैत्री झाली. यानंतर ते दारू पिण्यासाठी अनेकदा भेटू लागले. 1 एप्रिल रोजी मेडक जिल्ह्यातील चांदूर येथे राहणाऱ्या 22 वर्षीय ऑटोचालकाने जोगीपेट येथील संगारेड्डी जिल्ह्यातील एका तरुणाशी लग्न केले. यावेळी दोघेही दारूच्या नशेत होते. जोगीनाथ गुट्टा मंदिरात हा विवाह सोहळा पार पडला. विवाह सोहळा आटोपल्यानंतर दोघेही घरी गेले.
काही दिवसांनी जोगीपेठ येथील एका तरुणाने ऑटोचालकाच्या घरी जाऊन आपल्या लग्नाची माहिती पालकांना दिली. त्याने ऑटोचालकाच्या पालकांना सांगितले की त्याला त्यांच्या मुलाकडे राहण्याची परवानगी द्यावी, कारण त्याच्याकडे राहण्यासाठी जागा नाही. बऱ्याच वेळा विनवणी करूनही ऑटोचालकाच्या पालकांनी त्या व्यक्तीला घरात येऊ दिले नाही. वादानंतर जोगोपेठ येथील रहिवासी तक्रार देण्यासाठी पोलीस ठाण्यात गेला. आपल्या मुलापासून दूर राहण्यासाठी ऑटोचालकाच्या पालकांकडून एक लाख रुपयांची पोटगी देण्याची मागणीही त्यांनी केली.
यानंतर दोघांनी हे प्रकरण पोलिसात न नेण्याचा निर्णय घेतला. पोलिसांनी दिलेल्या माहितीनुसार, या प्रकरणामुळे दोन्ही पक्षांच्या कुटुंबीयांमध्ये भीतीचे वातावरण आहे. त्यांनी आपापसात चर्चा करून प्रश्न सोडवला. वाटाघाटीनंतर जोगीपेठ येथील व्यक्तीने ऑटोचालकाच्या कुटुंबाकडून 10,000 रुपयांच्या एकरकमी तडजोडीसाठी सहमती दर्शवली. यानंतर दोन्ही पक्षांच्या संमतीने ते वेगळे झाले
पुढील लेख
